عراقا مربوط اولان بير اينسان حوقوقلاري مركزي گوزاريش وئردي: كئچن 8 ايل
بويوندا موساد و ايشغالچيلار عواميلي عراقدا 500 دانيشمندي ترور ائديبلر.
فارس خبر گوزاريسي‌نين گوزاريشينه گؤره «عراقدا اينسان حوقوقي‌نين نقض
اولماسينا نظارت ائدن بين‌المللي مركز» 1000 نفرليق عراقلي دانيشمند ليستي
تهيه ائله‌ييب كي اونلارين 500 نفري معلوم اولمايان عاميللر طرفيندن ترور
اولوبلار. بو افراد 2003-دن بويانا عراقين ايشغال زماني اؤلدوروبلر. بو گوزاريش
فهرستي وئرن منبعه ايشاره ائله‌مه‌دي.
اوسته‌كي گوزاريش آمريكالي منبعلرين ايطّيلاعاتينا اساساً آرتيردي: صهنونيستي
رژيمين جاسوسي دستگاهي (موساد) عراقداكي آمريكالي نيظاميلارين كؤمگي‌اينن 350
دانيشمند او جومله‌دن 200 دانيشگاه اوستاديني ترور ائديبلر.
بو گوزاريش آرتيرير: عراقين دانيشگاه اوستادلاري، نوخبه‌لر و دانيشمندلري كئچن
8 ايلده آمريكاليلار طرفيندن چوخ شيدّتلي آختاريليب و اذيّت اولوبلار و بونا خاطير
اونلارين 17 مين نفري عراقدان گئتمگه مجبور قاليبلار. اونلارجا عراقلي دانيشمند ده
ايندي آمريكاليلارن زيندانلارينداديلار.
سيا و موساد سازيمانلاري عراقين خطرين آرادان آپارماق اوچون بو ترورلاري
ائديبلر و البته هله‌ده ترورلارين ايدامه‌سي وار.
سيا و موساد بو ترورلاري آيري ايسلامي اؤلكه‌لره او جومله‌دن
ايرانا دا سيرايت وئريبلر.
آمريكا و اسراييلين دانيشمندلري ترور ائله‌مكدن اصلي هدفلري بؤلگه‌دهكي
ايسلامي اؤلكه‌لرينه دالي قالماغي تميل ائله‌مكدير و عراقدا نيظامي حوضورلاري
اولماغينا گؤره عراقلي نوخبه‌لري فيزكي حذف ائله‌مگه سس‌سيزجه‌سينه ال وورور
ايدامه و بو ايشين ايدامه‌سي وار.
بو طرح بيزيم اؤلكه‌ده ده شرق و غرب مرزلريندن اؤيرديلميش تروريستلرين اؤلكه‌ميزه
اينتيقال تاپماغينان باشلاييب و كئچن بي-ايكي ايلين عرضينده نئچه نفر
دانيشمنلريميزدن ترور اولوب.
جاليب بوراسيدير كي بو برنامه غربين خبري و اينسان حقلري
محفيللري‌نين معنالي سوكوتينن بيرله‌شير.