مجليسن ايقتيصادي كومسيونونون عضوي ريفاه وزيريندن سوروشدوغو سوآلا ايشاره ائله ماغينان دئدي: بنده نين وزيردن سوروشدوغوم سوآلين موضوعسي همين يوخسوللوق خطي نين باره سينده دير كي گرك گليب مجليسين صحنينده جواب وئره له كي نييه ايمداد كوميته سي و بهزيستي نين حيمايه سينده اولانلارين حقلرين رعايت ائله مه ييبلر. بونلار يوخسوللوق خطي نن نه قدر فاصيله لري وار؟ اگر  جواب وئرسه لر دئييرلر: يوخسوللوق خطي تعريف اولماييب، سوروشاروق : ياخجي نييه تعريف ائله مه ميسيز؟

خطر خطّي

دونيانين باشا باشيندا يوخسوللوق خطيني تعيين ائتمك اوچون جماعاتين نئجه ياشماغيندا تأثيري اولان كودلاردان ايستيفاده اولور؛ او جومله دن يوخسوللوق خطلري كي گونده ليك بير دولار يا 1.5 دولاردان آز، گلير صاحيبي اولانلار تا او يوخسوللوق خطلري كي گونده 2 مين كالوري تأمين ائله مك اساسيندا موشخص اولوبلار، ايشاره ائتمك اولار. آما جاليب نوكته بوردادير كي هر اؤلكه جماعاتين نئجه ياشاماسيني اؤلچمك اوچون بير يوخسوللوق خطي نين تعيين اولماسي داليسي جاندير كي اوندان سونرا او كسلره كي بو حداقلدن بهره آپارا بيلميرلر، كؤمك ائده.

بيزيم اؤلكه ده آخيرينجي دفعه كي يوخسوللوق خطي رسمي حالتده اعلام اولدو 1385 ايلينده ايدي كي شهر و كند يوخسوللوق خطي ريفاه ويزاتي طرفيندن اعلام اولدو و اوندان هر جور يوخسوللوق خطي نين اعلام ائله مهسي وزيرلر طرفيندن لغو اولدو.

قاباقكي ريفاه وزيري، عبدالرضا مصری بو دليلي ايرائه وئرماغينان كي يوخسوللوق خطي جماعاتين هئچ موشكولون حل ائله مز، چاليشدي يئنه ده يوخسوللوق خطي نين تعيين ائتمه سيندن بويون قاچيردا و وزريليگي نين آخير ايلينده خبرنيگارلارا دئدي كي يوخسوللوق خطي ريفاه ويزارتي طرفيندن تعيين اولوب آما تكجه مربوط مسئوللارا دئييليب. بوننان بئله كي بو ايديعا جيدي ساييلمادي آما بو وزيرين موضعينده اولان بو دؤنوش باعيث اولدو يوخسوللوق خطي نين تعيين اولماسينا اومودلر يارانا.

آما صادق محصولي هئچ واخت يوخسوللوق خطيندن سؤز دانيشمادي و در حالي كي آخيرينجي خبري جلسه سينده چاليشيردي سوبسيدلرين هدفلي ائله مك قانونون توضيح وئره، اعلام ائله دي چون بيزيم اؤلكه ده شهرده اوتوران و كندده اوتوران وار، يوخسوللوق خطين تعيين ائتمك اولماز. وزيرين بو توضيحي نن بئله تضوور ائله مك اولار كي آيري اؤلكه لرين جماعاتي يا خاليص كندده اوتورانديلار يا خاليص شهرده اوتوران.