ريفاه و تأمين ايجتيماعي نين جامع نيظامي نين ساختار قانوني يوخسوللوق خطي نين موشخص اولماغين ايسته دي.

بو قانون دؤردونجو مادّه سي نين «ج» بندي، ريفاه ويزارتي نين حيمايتي و توانبخشي حوزه سينده كي وظيفه لريندن يوخسوللوق خطي نين تعيين ائله مه سينده موشاريكت ائله مك بيليب و يوخسوللوق خطي نين تعيين ائديلمه سينه تأكيد ائله مگينن حقيقتده بو قانونون وضع ائدنلري ايستيرديلر تا بو معيارين اساسيندا، آسيب پذير گوروهلارينا حيمايتي چتر، تعريفلنسين.

بو بير حالدادير كي ريفاه و تأمين ايجتيماعي وزيري، صادق محصولي آخيرينجي خبري ايجلاسيندا يوخسوللوق خطي نين توضيحينده دئدي: بيزيم اؤلكه نين كي كند و شهر جمعيتي وار يوخسوللوق خطيني تعريفله مك اولماز.

و آرتيق توضيحده بونا ايشاره ائله ماغينان كي چوخلو تعريفلركي غربده واردي اگر ديقّت ائله ساق گؤره ريك كي موختليف مبنالاري وار. او دئدي: موختليف فرهنگلره توجّوه ائله ماغينان موختليف يوخسوللوق خطّي تعريف اولار. ريفاه وزيري بو توضيحلري وئرماغينان بو سوآلي جوابسيز قويدو:«جماعتيميزين نئچه درصدي يوخسوللوق خطي نين آشاغيسيندادير.»