فارس خبرگوزاريسي نين تبريزدن وئرديگي گوزاريشه گؤره، سيد محمد تقي علوي بو سيكّه لرين هديه وئريلن مراسيمينده كي بير نئچه تاريخ و فرهنگ اوستادين حوضوروندا قورلدو ، دئدي: بو ايش لاب ارزيشلي و موقدّس بير ايشدير كي بو تاريخي و فرهنگي ميراثي هديه وئرنلرين طرفيندن گؤرولوب و بو سيكه لر بير آموزش و علمي يئره هديه اولونوب.

 او ايراني قديمي و بؤيوك مدنيت صاحيبي بيليب و دئدي: بيزگرك اؤز تاريخ و فرهنگيميزه ايفتيخار ائدك و اونو دونيايا و بوگونكي نسله تانيتديرماغا چاليشاق.

 علوي آيدينلاتدي: بو سيكّه لر موحقّيقلر و اوستادلار و دانيشجولار و اؤلكه ميزين تاريخ و فرهنگينه علاقه سي اولانلار طرفيندن آموزشي و فرهنگي هدفلر اوچون ايستيفاده اولوناجاق.

 او دئدي: موختليف زامانلاردا ضرب اولان سيكه لري تحقيق و آراشديرماغينان او زاماندا ياشايان آداملارين كيمليكلريني مخصوصاً و ايجتيماعي، فرهنگي و ايقتيصادي وضعيّتلريني بيلمك اولار.

 بو گوزاريشا اساساً، ايرانين كئچميشيندن قالان بو 75 تاريخي سيكّه،  «يگانه مهر آفرين آريا» شيركتي، فرشيد خجسته و علي رزمخواه نوماينديليغي طرفيندن تبريز دانيشگاهي نين سياسي و ايجتيماعي دانيشكده سي نين تاريخ و فرهنگ موزه سينه كي بو دانيشگاهين تازا مركزي كيتابخاناسي يئرينده تأسيس اولوب، هديه اولوندو.

 تبريز دانشگاهي تاريخ و فرهنگ زمينه سينده چوخ ارزيشلي و تايسيز گنجينه يه ماليكدير كي اخيراً تبريز دانيشگاهي نين رئيسي نين حيمايتي اينن جامع بير موزه يه تبديل اولماق برنامه سي ، موحقّيقلرين ايستيفاده سي اوچون ايشه باشلاييب.