شرقی آذربایجانین اسلامی تبلیغات سازمانینین کل مدیری، مییانا (میانه) شهریستانیندا، دینی و فرهنگی فعالیتلردن گؤروش ائتدیینده، مستقر روحانیلر و «هجرت» طرحینین جلسه‎سینده  دئدی: بوتون ایشلر آللاها یاخینلاشما هدفی ایله اولسا بوتون ایشلر ترقّی و انکشاف ائده‎جکدیر.

شرقی آذربایجانین اسلامی تبلیغاتی کل اداره‏سینین روابیط‎عمومیسینین گزارشینه گؤره، مییانا(میانه)داکی مستقر روحانیلر و هجرت طرحینین جلسه‎سینده کی حجت الاسلام حمید عظیمی‎نین حضورو ایله گئچیریلدی، شرقی آذربایجانین اسلامی تبلیغات سازمانینین کل مدیری، دئدی: آللاه اوچون گؤرولن ایشده اۆره‎ک سویوقلوغو و ناگرانلیغا یئر یوخدور بلکه بئله بیر ایش خلوص نیت و آللاهین لۆطف و فضلینه اعتقاد ایله اولمالیدیر کی ثمره‎سی قالارقی اولسون.

او آرتیردی: پئیغمبرلر یولوندا اولوب آللاها یاخینلاشما، بوتون دونیا و آخیرت ایشلرینده اینسانین ترقّیسینین ضامینیدیر. دوناداکی مقاملاریمیزا اوره‎ک قیزدیرمایاق؛ یئرینه، قؤان، اسلام، اسلامی ایرانین دینلی میللتینه خادیم اولماق فیکرینده اولاق.

جلسه‏ده شیرکت ائدن روحانیلر ده، ترقّیلر، احتیاجلار، آزلیقلار، و مانعلردن سؤز آچیب تبلیغ ایشینده لازیم اولان مادّی و معنوی حمایتلری ایسته‎دیلر.دئمک گرک کی بو جلسه‏نین دوامیندا، شهریستاندا خصوصاً بویوک بخشلر و کندلرده پئشناماز و تبلیغچی آزلیغی  و خانیملارین مجلیسلرینده مداحلیق و سخنرانلیق ائدیب خرافه‎لری یایانلارین صلاحیتسیزلییی صحبت موضوعسو اولوب آراشدیریلدی. جلسه‏ده شیرکت ائدن روحانیلر ده، ترقّیلر، احتیاجلار، آزلیقلار، و مانعلردن سؤز آچیب تبلیغ ایشینده لازیم اولان مادّی و معنوی حمایتلری ایسته‎دیلر.