وبا ایسهال‌لی ناخوشلوقلارین بیریدیر.
ناخوشلوغون علامتلری باغیرساقدا میکروب واسیطه‌سی‌اینن یاییلان سمّدیر .
یویولما‌میش میوه و گؤی, باتیق
سویونان دوزلمیش بوز و باتیق سودا چیممک اینسانی موبتلا ائلیه بیلر.
نئجه وبانین قاباغین آلماق اولار:
وبانین یاییلماسی‌نین قاباغین آلماق اوچون لاپ یاخشی یول بودور کی اونون یاییلما
یوللاری باغلانسین و عامیلی آرادان آپاریلسین.
· ناخوشلوغو کونترول ائتمکدن اؤترو قاب
قاشیغی دوزگون صورتده یوماق و غذالاری قیزیشیدیریب داغلاندیرماق لازیمدیر.
· اینسان فضولاتینی بهداشتی صورتده دفع
ائله‌ماق: بهداشتی توالتلردن ایستیفاده ائله‌ماق و توالتی و باتان یئرلری آهاکینان
ضید عفونی ائله‌ماق لازیمدیر.
· تصفیه اولمایان سویو بیر دقیقه
قایناتماق و یا کولور ترکیباتین سویا آرتیریلماسی توصیه اولور. موسافیرتده مومکون
اولان قدر ایستاندارد و آغزی باغلی شوشه‌لردن ایستیفاده ائله‌یین.
· میوه و گؤیو تورپاقلاری تمیزلنماغا
خاطیر یویون سونرا بیر قابا بئش لتیر سو و 15 قطره قاب یویان مایع توکوب حل ائدین.
میوه و گؤیلری بئش دقیقه بویوندا بو محلولون ایچینده ساخلایین و سونرا تمیز
سویونان یویون.
· وبانین داریشان زامانی آبقورا و
آبلیمو کیمی اسیدی مادّه‌لردن ایستیفاه ائدین.