سلامت نيوز: بين‌الميللي تيروئيد هفته‌سي موناسيبتينه
'ضیاءالدین مظهری' ايرنا اينن دانيشيقدا دئدي: يئر بادامي 'گواتروژن' مادّه‌لري
سيراسيندادير و بو جور مادّه‌لر بدنين يود جذبينه مانع اولار و نتيجه‌ده گواتر
يارانار.
بو تغذيه و رژيم درماني موتخصيصي بونو دئماغينان كي گواتر،
تيروئيد وزي‌نين حددن آرتيق بؤيومه‌سينه دئييلير، دئدي: بوجور مادّه‌لرين مصرفينه
ديقّت يئتيرمه‌ماق بدنين يود جذبيني موختل ائلر آما همن مادّه‌لر پيشيريلسه
اونلارين گواتروژن مادّه‌لري تجزيه اولار و داها يود جذبينه مانع اولماز. مظهري
آرتيردي: البته بو غذايي مادّه‌لرين فايدالي و موهوم تركيبلري وار. مثلاً كلم
دولودور كلسيومونان، بونا گؤره توصيه اولور بوجور مادّه‌لر پيشميش صورتده
ايستيفاده اولونسون. او دئدي: هابئله سوسيس، كالباس و نيترات و نيتريتلي اتلرين
مصرفي، بدنين يود جذبيني آزالدار. بو تغذيه موتخصيصي خاطيرلادي كي سيگار و قليان‌دا
بدنين يود جذبينده ايختيلال يارالدار. مظهري تأكيد ائله‌دي: يومورتا ساريسي، آرپا
چؤرگي، آغ اون چؤرگي، بعضي پنيرلر، تازا يئر آلما و آرپا سويوندا يود وار. او
آرتيردي: جماعت گرك بدنلري‌نين لازيم اولان يودلاريني يودلي دوزلاردان تأمين ائده‌لر.