IP ندیر؟
هر
کومپوتئر، اینتئرنئتـده، بیر IP
ایله تانینیر کی گؤرونومو A.A.A.A _دیر؛ هر A یئرنه 0_دان
222_ه قدر
بیر عدد اوتورار. بو عدده گؤره سیزین اینتئرنئتینیزین جوغرافی موقعیتی (ISPنین شهری) بللی اولونور. ISP دئدییمیز، سیزه اینتئرنئت خیدمتلری وئرن شیرکتدیر.
ایندی، بیر IP-یه باخین:
69.147.102.73
69 عددی ISP-نی، 73 عددی ده ایشلهدیجینی (User) گؤرسهدیر. شبکهلرده اینتئرنئت
اولسون و یا نئچه کومپوتئر مدار-بسته (Share) اولاراق بیربیرینه باغلانسینلار،
هرهسینه، بیر IP
Address تعریف اولونمالیدیر تا دیگر کومپوتئرلر، بیر کومپوتئری، IP –سییله تانیییب اونا باغلانسینلار.
اینتئرنئتین نئچه خاص سئرویسی واردیر.
بیلدییینیز کیمی، DialUp، آشاغی سرعتلی و ADSL،
یوخاری سرعتلی، راییج اینتئرنئت سیستئملریدیرلر. مودئملری شماره-توتما طریقی و DialUp سئرویسییله اینتئرنئته باغلانانلارین، هر یول، اینتئرنئته باغلاناندا،
IP –لرینین
ساغ عددی دییشمز. آما مودئملری یوخاری سورعتلی (ADSL) اینتئرنته باغلانماق اوچون
اولانلارین IP –لرینین
ساغ عددی، سیستئمی هر یول ShutDown ائدیب مودئمی برقدن چیخاردیقدان سونرا، بیر یول دییشر.
مسلّمدیر کی DialUp بیرآز
خطرلیدیر. چونکو، هاکئرلر (Hacker)، بیر چوخ واخت، IP یولویلا قوربانلیق سیستئملرینه حمله ائدرلر و IP_لری آی بویونجا ثابیت قالان
اینتئرنئت سیستئملرینه داها راحات نفوذ ائدهبیلرلر. IP_نیزین نه اولدوغونو بیلمک ایستهسهنیز،
بئله، ائلهیین:
اینتئرنئته باغلاندیغینیز زامان Stsrt مئنۆسونه گئدیب Run گزینهسینی تیقلایین (کلیکلهیین)؛ آچیلان پنجرهده تایپ ائدین:
cmd
سونرا، ائنتئر (Enter)
توش(کلید)ونا باسن؛ قارا رنگلی بیر پنجره آچیلار. اوندا تایپ ائدین:
ipconfig
سونرا دا ،
ائنتئر توشونا باسینیز. بیر میقدار اطلاعات گؤرجکسینیز کی IP Address_ین
قاباغیندا، IP
شمارهنیزی اوخویابیلرسینیز.
پروقرامسیز
اولاراق بیر آیریسینین IP_سینی اله گتیرمک
چت اوتاغیندا
بیرییله چتلشدییینیز زامان، اوندان سیزه بیر فایل (عکس) گؤندرمهسینی
ایستهیین. فایل یۆکلهننده (دانلوود اولاندا)، Stsrt مئنوسونه گئدیب Run
گزینهسینی تیقلایین (کلیکلهیین)؛ آچیلان پنجرهده تایپ ائدین:
cmd
سونرا، ائنتئر (Enter)
توش(کلید)ونا باسن؛ DOS محیطی
کیمی، قارا رنگلی بیر پنجره آچیلار. اوندا تایپ ائدین:
C:\>netstat -n
گؤرهجکسینیز کی سیزه هر ایکی طرفده بیر نئچه شماره گؤرسهدهجک: ایلک ردیفـده،
سیزین IP_نیز و ایکینجی ردیفـده ده مقابیل طرفینیزینکیدیر.
بونو دا دئمهلییم کی او IP_لرین
بعضیسی آچدیغینیز سایتلارینکیدیر. نرم افزار (یازیلیم) اویرتمه قیسمتینده داها راحات
یوللار دا اویردهجهیم.
بیر
سایتین IP_سینی
اله گتیرمک
بیر سایتین IP_سینی اله گتیرمک اوچون command prampt_ده ping، دستوروندان استفاده ائدریک:
C:\>
ping tebyan-tabriz.ir
گؤرجکسینیز
کی راحاتجا، تبیان-تبریز سایتی نین IP_سینی
گؤرسدهجکدیر.
Port
ندیر؟
لاپ ساده تعرفـده، داده(وئری)لرین وارید و خاریج اولماسی
یئریدیر. هکـده معمولاً نرمافزارلیق پورتلاری ایله ایشیمیز واردیر. کی هر
بیرینه بیر عدد نیسبت وریلیر. بو عددلر 1
و 65535 آراسیندا دییشیر. معمولاً، بیر سئری پورتا، خاص بیر ایش نیسبت وئریلیر و
قالانی پیش‌فرض اولاراق سیزین استفادهنیز اوچوندور. فعال پورتلارین هرهسی خاص
بیر نرم‌افزار طرفیندن مدیریت اولونور. مثلاً پورت_25، ایمئیل گؤندرمک اوچوندور؛ پس، بو ایش، خاص بیر نرم‌افزار
ایله گؤرولملیدیر بو نرم‌افزار دا همیشه 25_پورتو اوستونده منتظر قالیر (گۆدۆر).
بورادا هرمومکوندور کی بیری، بیر نرم‌افزار و بیر آیریسی آیری بیر نرم‌افزار
ایشلتسین آما هر حالدا 25_پورتو ایمئیل گؤندرمک اوچوندور.
آچیق پورتلاری اله گتیرمه یولو:
مقابل طرفین IP_سینس
بیلسهنیز، اونون آچیق پورتـلارینی، IPeye ایله،
تاپابیلرسینیز: Cmd_یه گیریب IPeye مسیرینی فعال ائدین: یعنی IPeye، C:
درایویندادیرسا، C: درایوینا گئدیب آشاغیداکی دستورو
یازین (بورادا ip10.0.0.50 _نین آچیق پورتلارینی
تاپماق ایستهییریک):
C:\>ipeye
10.0.0.50 -syn -p 1 2000
بو دستور، 1 تا 2000
پورتلارینی ایسکن (scan)
ائدیب هانسی پورتـون آچیق و هانسیسینین باغلی اولدوغونو سیزه بللی ائدر.
TCP/IP ندیر؟
پروقرام یازانلار، مختلف کومپوتئرلرین بیربیرلری ایله ایشلهیهبیلمهلرینین
ضمانت اولونماسی اوچون، پروقراملارینی ایستاندارد پروتوکوللارا گوره یازارلار.
پروتوکول، ایشین نئجه گؤرولهجهیینی، فنّی اصطلاحلارلا وصف ائدن قانونلار
مجموعهسیدیر. مثال اوچون، ائله بیر پروتوکول وار کی پستی پیاملارین گؤندریلمهسی
اوچون، استفاده اولونمالی قالیبی دقیقاً توضیح وئریر. بوتون پست پروقراملاری، بیر
پیامی تحویله آماده ائدرکن بو پروتوکولدان پیروی ائدرلر.
TCP/IP، 100 پروتوکوللوق
بیر مجموعه اوچون متداول بیر آددیر. بو مجموعه کومپوتئرلر و شبکهلرین دورلدیلمهسینده رعایت اولونور. TCP/IP پروتوکولونون واقعی
آدی، ایکی مۆهوم پروتوکولون آدیندان آلینمیشدیر:
۱) (TCP(Transmission Control Protocol
۲) (IP(Internet
Protocol
اینتئرنئتـده،
اطلاعات ثابیت بیر جریان اولاراق میزباندان میزبانا ( بیربیرلرینه باغلی
کومپوتئرلرده) منتقل اولماز بلکه وئری(داده)لر، پاکئت (packet) آدلی کیچیک بستهلره بولونرلر.
مثال اوچون، فرض ائدین کی
اینتئرنئتدن، پستی بیر پیامی بیر دوستا گوندریرسینیز. TCP، اونو،
بیر نئچه پاکئته بؤلهجکدیر. هر پاکئت، آلیجی(گیرنده)نین آدرئسی و گؤندرنین آدرئسی
ایله علامتلندیریلجکدیر. TCP، خطا کونترولو ایله باغلی
اطلاعاتی دا پاکتلرده قویاجاقدیر.
سونرا، پاکئتلر گؤندریلهجک و
بونو، اوزاقداکی آلیجینین اله چاتدیرماق IP_نین ایشیدیر. TCP، او
باشدا، پاکئتلری آلیب اولان خطالاری بررسی ائدر. بیر خطا اولموش اولسا، TCP، بللی
بیر بستهنی گینه گؤندریلمهسینی ایستهیهبیلر.
بوتون پاکئتلر آلیندیقدان
سونرا، TCP، پاکئتلری سئریال شمارهلرینه گؤره، ترتیبله دوزوب اصیل پستی
پیامینی ایکینجی قابـدا دوزلدهجکدیر.
آیری جور دئسک، IP_نین
ایشی، خام وئریلری (دادهها) بیر یئردن آیری بیر یئره آپاریب چاتدیرماق و TCP_نینکی و
وئریلرین دۆزلویونون ضمانتیدیر.
وئریلرین پاکئتلره
بؤلونمهسینین بیر چوخ فایداسی واردیر. اول بو کی اینتئرنئته اجازه وئریلیر ائله
هامان باغلانتی خطلریندن (خطوط ارتباطی) مختلف ایشلهدیجی(کاربر)لر اوچون استفاده
ائتسین. پاکئتلرین بیربیرلری ایله سفر ائتمهیه مجبور اولمادیقلاری اوچون باغلانتی
خطی، اؤز یولوندا، اونلاری بیر یئردن آیری بیر یئره داشیار.بویوک بیر جادهنی
نظردا توتون کی اوندا آیری آیری ماشینلار، مقصدلرینین بیر اولماماسینا رغماً،
مشترک بیر یولدا سفر ائدیرلر.
پاکئتلر سفر ائدرکن، سون
مقصدلرینه چاتانا قدر، بیر میزباندان آیری بیر میزبانا گؤندیلیرلر (واقعی مسیر،
مسیرتاپان (مسیریاب) آدلی خاص استفادهلی کومپوتئرلر طرفیندن تعیین اولونور)؛ بو
دا، اینتئرنئتـین چوخ انعطافلی اولدوغو دئمکدیر. خاص بیر باغلانتی خاراب اولسا دا،
وئری جریانینی (جریان دادهها) کنترل ائدن کومپوتئرلر، معمولاً، اونون یئرینه آیری
بیر مسیر تاپابیلرلر. دوغروسو، واحید بیر موضوع اولوشدوران مختلف پاکئتلر، مختلف
مسیرلر دن آما بیر مقصده گئدهبیلرلر.
هم ده، شبکه، مختلف شرطلرده،
لاپ یاخشی مسیردن استفاده ائدهبیلر. مثلاً، بیر قیسمتین یۆکو (بار) حددن چوخ
اولاندا، پاکئتلر یوکو آز اولان خطلردن گؤندریلرلر.
پاکئتلره بؤلونمهنین بیر
فایداسی دا بودور کی گؤندریلیرکن کیچیک بیر خطا باش وئرنده، بوتون پیامین گینه
گوندریلمهسی یئرینه آنجاق بیر [و یا بیر نئچه] چاکئت گؤندریلیر. بو مزیّت،
اینتئرنئتـین کل سرعتینی آرتیرار.
بو انعطافلیلیق، یوخاری
اطمینانین مومکون اولماسینا کؤمک ائدر. TCP/IP، هرحالدا، وئریلرین
موفقیتله گئچمهسینی تضمین ائدر. دوغروسو، میزبانلار، بیربیرلریندن یۆزلرجه
کیلومئتیر بئله اوزاق اولسالاردا، بوتون پاکئتلر نئچه آرا کومپوتئردن (کامپیوتر
میانی) گئچسهلر ده، گینه ده اینتئرنئت ائله یاخشی ایشلهییر کی بیر فایلی، بیر
میزباندان آیری بیر میزبانا گؤندرمک آنجاق بیر نئچه ثانیه زامان آپاریر.
پس، «TCP/IP ندیر؟» سوروسو اوچون ایکی جواب واردیر: فنّی جواب بئلهدیر کی TCP/IP، کومپوتئرلر و شبکهده ایشلهنن باغلانتی ابزارلارینین
سازماندهلییی اوچون استفاده اولونان پروتوکوللارین بویوک بیر خانوادهسیدیر؛ لاپ
موهوم لری ده TCP
و IP_دیر. IP
وئری(داده)لری بیر یئردن بیر آیری یئره داشییار، TCP ده ایشلرین دۆزگۆن گؤرولدویونو
کوترول ائدر.
بونلارلا بئله، لاپ یاخشی
جواب بودور: اینتئرنئت، مینلرجه شبکه و میلیونلارجا کومپوتئره باغلیدیر، TCP/IP ده بیر چسب (یاپیشقان)
کیمی بو شبکهلری و کومپوتئرلری بیربیرلرینین یانیندا ساخلایار.
یازیب
دوزنلهین: امیر محمد زارع مجتهدی
اسلامی تبلیغات
کل ادارهسینین
اطلاعات فن آوریسی کارشناسی