ترکی | فارسی | العربیة | English | اردو | Türkçe | Français | Deutsch
يکشنبه 10 مرداد 1400 - 21 ذو الحجة 1442
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 11
ديروز : 53
ماه : 657
 
تاریخ : دوشنبه 6 شهريور 1396     |     کد : 1485

بدن حرکتیندن برق دوزلدن ساپ

بیر بیرینه توخونموش کربن نانو لوله‌لردن دوزلمیش ساپ، انسان بدنی‌ اطرافینداکی انرژیلری ذخیره ائله‌ییب هدر گئتمه‌سی‌نین قاباغینی آلیر.


بیر بیرینه توخونموش کربن نانو لوله‌لردن دوزلمیش ساپ، انسان بدنی‌ اطرافینداکی انرژیلری ذخیره ائله‌ییب هدر گئتمه‌سی‌نین قاباغینی آلیر.

سانسین وئردیغی خبره گؤره، بو ساپین توئيسترون آدلانان تئللری، لابراتوآر محیطینده یاخجی جواب وئریبلر و بیر گون انسان بدنی‌ و اطرافی و حتی داها وسعتلی محیطین انرژیسینی ذخیره‌له‌ین ماده‌یه تبدیل اولا بیلرلر.

انسانین ایچینده و اطرافینداکی تحرکاتین و یا رادیویی موجلارین نارین انرژیلرینی ذخیره ائله‌ماق ایده‌سی تازا ایده دئییل آما ایندی‌یه قدر، بو ساپین تگزاسلی عالملرین الی اینن ابداع اولماسیندان قاباق ائله ترقّیسی یوخ ایدی.

بو ساپین مکانیزمی چوخ ساده‌دیر:  انسان توکونده 10 مین برابر نازیک اولان کربن اتوملاریندان یارانان شبکه بو ساپین تئللرینی تشکیل وئریبلر. بو کربن تئللرین بیر دسته‌سی بیر بیرنه توخونوب انعطافلی ساپا دؤنوبلر.

بو ساپی سو اینن دوز کیمی ساده محلول اولان الكتروليتي محلولون ایچینه باتیراندا، ساپداکی هر تغییر کربن نانو لوله‌لرینی ترپدیر و اونلارین یوک دَییشمه‌سی ولتاژ یارادیر. محقق‌لرین دئدیغینا گؤره حقیقتده ابرخازن ساییلیرلار.

بو ساپلارین قالینلیقلارینا گؤره اونلارین اوزانماسی نتیجه‌سینده یارانان انرژی چوخ گؤزخ گلیمدیر. بو ساپ بیر کلو آغیرلیغینداکی جسمی ثانیه‌ده 30 دفعه ساللاییب 250 وات انرژی تولید ائله‌سین، بیر میز اوستو کامپیوتر و یا برقی آبگرمکنو کفایت ائله‌ین برق مقداری. بو تیپ برق تولید ائله‌ماق تمیز انؤزی‌یه ال چاتمایان یئرلرده انرژی منبعلرینه ال چاتماغی راحتلشدیرر.

محقق‌لر بیلیبلر بو ساپینان بلوز تیکماغینان، نفس چکماغین انرژیسینی بئله ذخیره ائله‌ماق اولار. هابئله بو ساپینان دریا موجلاری و یا هر حرکت ائله‌ین منبعین انرژیسینی ذخیره ائله‌ماق اولار.


نوشته شده در   دوشنبه 6 شهريور 1396  توسط   کاربر کلانتری    تعداد بازدید  122
PDF چاپ چاپ بازگشت
نظرات شما :
 
Refresh
SecurityCode