تهرانين پزشكي علملر دانيشكده‌سي‌نين سونّتي طيب
دستياري دئدي: قيش فصلينده ات يئمك بدني ساغلام ساخلار چونكي بدنين هضم سيستمي
قيشدا گوجله‌نر.
مژگان تن‌ساز فارسينان دانيشيقدا دئدي: قيش فصلينده، بدنين
هضم گوجو چوخالار و حرارت بدنين ايچري‌سينه گئدر و غليظ يئمكلرين مصرفي بدنه
فايدالي اولا بيلر.
او دئدي: يايدا هاوانين ايستي اولدوغونا گؤره، بدنين هضم
سيستمي ضعيف‌راق اولار و اتلي و غليظ يئمكلرين مصرفي توصيه اولمور.
تهرانين پزشكي علملر دانيشكده‌سي‌نين سونّتي طيب دستياري
آرتيردي: قيش فصلينده جيسمي فعاليتين چوخالماسي و ورزيش فايداليدير و بدنين
گوجلنمه‌سينه باعيث اولار.
تن‌ساز آرتيردي: ياز فصلينده بدني تميزله‌مك اوچون حجامت
ياخجي‌دير و هابئله يايدا بدني تميزله‌مك اوچون قوسماق ياخجي يولدور.
او دئدي: پاييز فصلينده شووَرَن، زيتون ياغي يا انجير كيمي
قارين يومشالديجيلاردان ايستيفاده ائتمك، بدنين سمّيني آلماغا توصيه اولور آما قيش
فصلينده، گوجلو قارين يوموشالديجيلار موناسيب دئييل‌لر چونكي بدنين گوجون آزالدار.