بوکلی کلمی‌نین خاص ترکیباتینا گؤره ضد سرطان خاصیتی وار. بو تره‌وز اعصابی گئجلندیرر و گؤزلری ایشیقلاندیریب درینی گؤزللندیرر.
بورکلی‌نین چوخ فایدالی خاصیلری وار. او جمله‌دن:
ضد التهاب:
بروکلی التهابی آزالتماق اوچون طبیعی بیر درمان ساییلیر و مفصل‌لرین تحلیل سرعتینی آزالدار. بونا گؤره آرتروزو اولانلار اوندان استفاده ائله‌مه‌لیدیلر. بوکلی کلمی مفصل‌لری داغیدان آنزیملرین آخماسی‌نین قاباغینی آلماغینان اونلاردان محافظت ائلر.
اورک دامار درمانی
بروکلی کلمی بدنین لاپ حساس عضوونه ده فایدا یئتیریر. بو کلم پیس کلسترولو آزالتماقدان علاوه قان دامارلارینی دا گوجلندیرر. بو کلمده اولان «سولفور افن» دامارلارین تخریبی‌نین قاباغینی آلار.
بروکلی‌ده اولان B دسته‌سی ویتامینلری «هموسیستئین» آمینه اسیدینی تنظیمه سالار و اورک دامار ناخوشلوقلاری‌نین قاباغینی آلار.
گؤزلری ایشیقلاندیرماق
بروکلی کلیمینده اولان آنتی اوکسیدانلار گؤز سلول‌لاری‌نین داغیلماسینا مانع اولار و گؤزون مرجیمگیندن موغایات اولار.
بروکلی کلمی تکجه عوارضی اونون فیبرلی اولدوغوندان قایناقلانیر. بیر چوخ بروکلی کلمی یئسه روده گازی چوخالار.
بورکلی کلمده یوخاری مقداردا K ویتامینی وار. اونا گؤره قانلارینی رقیقلتمک اوچون داوا مصرف ائدن شخصلر بو کلمدن یئمه‌سه‌لر یاخشی اولار.
بوکلی کلمی هاردان گلیب؟
بو تره‌وزین وطنی ایتالیادیر. ایتالیالی‌لار بو کلمه «بروکولو» دئییرلر یعنی کلم اوستونده گول. اونلار بو تره‌وزی سودا پیشیریب ویا دا سالاتلارینان چیی چیی یئییرلر.