هلث لاین سایتی بیر مقاله ضمنینده قارپیز توخومونون فایدالاریندان یازیب.
چوخلاری طرفیندن ائشیگه آتیلان بو ارزشلی ماده وعده‌لر آراسی تغذیه اوچون چوخ فایدالی ساییلیر.
کالریسی آزدیر: 28 گرم قارپیز توخومونون 158 کالریسی وار ائله همین مقدار
کالری 28 گرم یئرآلما چیپسینده ده وار. آما 28 گرم توخوم 400 عدد توخوم ائلیر کی
بیر وعده‌ده
یئییلماغا چوخدور آما 28 گرم چیپس 15 تئل یئرآلما چیپسی ائلیر.
منیزیم: قارپیز توخوموندا اولان معدنی ماده‌لرین بیری‌ده منیزیمدور. هر 4 گرمینده 21 میلی گرم منیزم وار. منیزیم بدنه فایدالی و
لازم اولان ماده‌لردن
ساییلیر کی گونده‌لیق 400
میلی گرم یئییلمه‌سی لازم
ساییلیر. منیزیم عصبلرین دوزگون فعالیتی و سوموکلرین و اورکین ساغلاملیغی اوچون
فایدالیدیر.
دمیر: بیر اووج قارپیز توخوموندا 0.29 میلی گرم دمیر وار. بو مقدار دمیر آز دا
اولسا آما بدنین دمیر احتیاجی‌نین بیر قسمتینی تأمین ائلیر. دمیر بدنده اکسیژنین یئر به یئر ائله‌مه‌سینده نقشی اولان هموگلوبینین مهم بؤلومو ساییلیر.
اسید فولیک: اسید فولیک بئیین دوزگون فعالیتی اوچون و هابئله هوموسیستئین
مقداری‌نین
کنترولو اوچون بدنه لازم اولان ماده‌لردن ساییلیر. بدنه لازم اولان اسید فولیکین بیر مقدارینی قارپیز توخومو اینن
تأمین ائله‌ماق
اولار.
فایدالی یاغلار: قارپیز توخوموندا اشباع اولمامیش اسید یاغلاری وار. بو تیپ
یاغلار بدنی بئیین و اورک سکته‌سیندن ساخلار و قانین پیس کلسترولونو آزالدار.