50 ایل بوندان اوّله قیاساً ایندی گونده‌لیق 140 کالری آز یاندیریریق. چونکی ایندیکی ایشلریمیز او
زمانکی کیمی آرتیق فعالیته احتیاجی یوخدور و نقلیات وسایلی سایه‌سینده داها آز
پیادا یئری‌ییروق.
محققلرین نظرینه گؤره بو مسأله‌نین جبرانی اوچون انسانلارین تحرکی چوخالمالی و یئمکلرینه آرتیق دقّت یئتیرمه‌لیدیلر.
معده‌نی
تماماً دولدورماقما، عمرو چوخالدار
اوزون عمرلو و سالم اولماغا معروف اولان ژاپنون اوکیناوای جزیره‌سی جماعتی،
محققلر طرفیندن مطالعه اولوبلار. بو جزیره‌نین انسانلاری جدی ناخوشلوق گؤرمه‌دن 100 ایله قدر یاشاییرلار. محققلر بو جزیره‌ده گؤزل بیر
قانونون حاکم اولدوغونا راست گلدیلر: Hara Hachi Bu
دویمامیش الینی یئماقدان چک! بو ایش بدن هآرتیق کالری‌نین
وارد اولماسی‌نین قاباغینی آلار و بدن مصرف ائله‌دیغیندان
لاپ احسن شکلده استفاده ائلر.
هر زادی بیر
یئرده و حددن آرتیق یئماق انسانی قوجالدار
داها آرتیق
غذا یئدیقجان بدنیز قوجالیغا داها یئیین گئدر. بدن، هر وعده‌ده
یئدیکلریمیزی انرژی‌یه چئویرمه‌لیدیر.
بو آرادا اونلارین ایچینده آزاد رادیکال‌لار دا اولان چوخلو ترکیبات
حاصل اولور. آزاد رادیکال‌لار سلول‌لاری
قوجالیغا آپاریر. حقیقتده غذانین تبدیل پروسه‌سی
چوخالدیقجان آزاد رادیکال‌لارین مقداری چوخالیر.
آغیر غذا باش
آغریسی گتیرر
حددن آرتیق
یئیَنده غذانین هضم سرعتی آزالار و نتیجه‌ده
کؤپ گتیرر. بونلارین هامیسی‌دا «واگ» عصبینی فعال ائلر.
واگ عصبی، بئیین اینن هضم سیستمی‌نین واسطه‌سیدیر
و معده‌ده غذانین حرکتینی کنترل ائلر. دئمک اولار معده انسانین
ایکینجی بئینی ساییلیر. معده‌نی حددن آتریق دولدوردوغوز
زمان، باش آغریسی و اورک بولانماسینی گؤزله‌مه‌لیسیز.
بیر دفعه
ده آرتیق یئماق ایشی کورلار
بدنیمیزین چوخ
گوجلو حافظه‌سی وار و افراطدان سونرا چتینلیغا دوشر. سوئدلی لینکوپینگ
دانشگاهی‌نین محققلری‌نین تحقیقی، هر یئماقدان
سونرا آرتیق یاغلارین بدنده ییغیشماسینی گؤرسَدیر. بو یاغلارین اریمه‌سینه
ایکی ایل زمان لازمدیر.
معده‌نی
یئماغینان دولدورماق، نفس چکماغی چتینلَدر
آرتیق یئدیپیز
زمان آواز اوخوماغا چالیشین. گؤره‌جاقسیز نه اینکی اوخویا
بیلمیرسیز، نفس چکماقدا دا زورلوق چکیرسیز. چونکی معده‌نین
حجمی یئماق نتیجه‌سینده آرتیر و آغ جیگرلر و
دیافراگمین حرکتینی محدودلاشدیریر.
آرتیق یئماق یوخودا
پیس تأثیر قویار
معمولاً آرتیق
یئماقدان سونرا بدن یورقونلوق حس ائلر و یوخو گلر. آما باشی یاتماغا قویاندا یوخو
گلمز. بو یوخولولوغون سببی‌ده لپتین و هیپوکترین
هورمون‌لاری‌نین قاریشماسی نتیجه‌سینده
اولور.
آرتیق یئماق
اورک سکته‌سینه سبب اولا بیلر
یاددیزدا
اولسون یاغلی و آغیر یئماقلار بدنده تری گلیسیریدی آرتیرار. بو مسأله مستعد
انسانلاردا اورک سکته‌سینه گتیریب چیخارا بیلر.
چوخ یئماق
اعتماد بنفسی آزالدار
انسانلار
اؤزلرینه چوخ یئماماق اوچون سؤز وئررلر آما هر دفعه آرتیق یئیَنده، اؤزلرینی
دانلاماغا باشلاییب وجدان عذابی توتارلار. بو ناراحتلیق هئچ جوره آرادان گئمتز و
اعتماد بنفسین آزالماسینا سبب اولار.
دقت دقت
دقتیز اولسون
انسان غذادان دویاندان سونرا بئینی دویماق حسّینی وئرر. آما بئیین بو سیگنالی 20
دقیقه‌دن تئز یوللاماز. یعنی یئماقلاریمیزی یاواش یاواش یئمه‌لی‌یوق
کی بئین واختیندا دویماق حسّینی یارادا بیلسین.