دیسکاوری شبکه‌سی 2014-جو ایلینده دسامبرین 7-سینده «دیری اودولماق» آدیندا بیر مستند پخش ائله‌دی. بو شبکه چوخاندان ایدی بو برنامه اوچون تبلیغ ائلیردی. قرار ایدی «پل روزالی» بیر آناکوندا ایلانی طرفیندن اودولوسون و بیر ساعت اونون قارنیندا قالسین.

آناکوندا ایلانلاری دنیانین لاپ بؤیوک ایلانلاری کیمی تانینیرلار و معمولاً شکارلارینی اودماقدان اوّل بوغارلار.

روزولی‌نین بوغولماماسی اوچون بوتون حاضرلیقلار گؤرولموشدو. متخصصلر اونون اوچون کربن فیبریندن نفس آلما و ارتباط سیستمینه مجهز اولان مخصوص پالتار حاضرلامیشدیلار کی ایلانین قارنیندا اؤلمه‌سین و ائشگینن دانیشا بیلسین.

روزالی دئییر: بیز بو سیستمین منیم اودولماغیمدان سونرا ایشله‌جاغیندان مطمئن دئییلدیک. بوننا بئله الیمیزدن گلن قدر مطئمن اولماغا چالیشدیق.

او آرتیریر: بیز 60 گون بویوندا آمازونون پرو اؤلکه‌سینده اولان بؤلومونده مناسب آناکوندا آختاردیق. تاپدیغیمیز اوّل آناکوندانین 7.5 متر اوزونلوغو و تقریباً 135 کیلو آغیرلیغی واریدی. آما اونو تله‌یه سالانمادیق. سونرا بیر 6 مترلیق دیشی آناکوندا تاپدیق. ایلان اوّلده منی اودماق ایسته‌مه‌دی و قاچماق نیّتینده ایدی آما اونو تحریک ائله‌یندن سونرا منیم اوستومه یوگوردو و اودماغا چالیشدی.

روزالی‌نین محافظ پالتاری حیوان قانینا بلشیلمیشدی کی آناکوندا اونو یئماغا هوسلنسین.

روزالی ایلانین گوجلو حلقه‌لری آراسیندا گرفتار اولدو و آز قالیردی قوللاری و سومکلری اوغولسون. اؤزونو ایلانین چنبره‌سینده گرفتار گؤرن روزولی‌نین قورخو بورویور. ایلانی اونو اودماق اوچون آغزینی آچیر. آما بو آندا روزولی قورخوسونا مغلوب اولار و اوردان قورتورولماسینی ایستیر.

او قورتولاندان سونرا اؤزو قورخوسونو توجیه ائله‌ماق اوچون دئییر: ایلانین انگی‌نین گوجونو محافظ بؤرکومده حسّ ائله‌دیم و آغزی‌نین سویونون سسینی ائشیتدیم. ائله بیل ایلانین بوتون گوجو منیم بیر قولوم اوستونده متمرکز اولموشدو. بیر آندا ائله بیلدیم قولوم اوغولور.

هر حالدا دیسکاوری کانالی ادعا ائله‌دیغی مستندی نمایشه قویمادی. بو شبکه بو برنامه‌نین تبلیغینده بیر گون قاباق انسانین بیر ساعت بویوندا ایلانین قارنیندا قالدیغینی و زمان درکی‌نین ایتیدیردیغینی ادعا ائله‌میشدی.

بو برنامه‌دن قاباق و سونرا حیوانلاردان حمایت انجمنی، ایلانی اذیت ائله‌ماغا گؤره بو برناه‌دن انتقاد ائله‌میشدی.