ژاپن اؤلکه‌سینده سوبارو تلسکوپون واسطه‌سی اینن یئددی
تازا کهکشان کشف اولوندو. نظره گلیر بو کهکشانلار بیردن بیره اوردا ظاهر اولوبلار.
کهکشان سالخیملاری کایناتین لاپ جرملی وارلیقلاریندان ساییلیرلار و یوزلر و
حتی مینلر کهکشانی اؤزلرینده یئر وئریرلر. بو کهکشانلار جاذبه گوجو اینن بیر-
بیرلرینه متصلدیلر.
نظریه‌لره گؤره دنیا 13.8 میلیارد ایل بوندان اوّل بؤیوک پارتلاما (Big Bang) آدلانان حادثه‌دن سونرا یاراندی. ائله او زمان اولیه اولدوزلار و
کهکشانلار شکل تاپدیلار سونرا اونلارین ماوراء بنفش ایشیغی یونیزه اولدو کی بو
پروسه‌‌یه فضایی تازادان یونیزه
اولماق (cosmic
reionisation)
دئییلیر.
منجّملر، فضایی
یونیزه اولماق حادثه‌سینی تحقیق ائله‌ماق اوچون اولیه لیمن – آلفا (LAEs) اشعه‌سینی وئرن کهکشانلاری، 13.1 میلیارد ایشیق ایلی
فاصله اینن تحقیق ائله‌ماغا باشلاییبلار.
تحقیقاتی تیم دکتر
«ماسامی اوچی»نین باشچیلیغیندا ژاپندا لیمن- آلفا (LAEs) اشعه‌سینه وئرن کهکشانلاری تانیماق اوچون سوبارو تلسکوپوندان
استفاده ائله‌ییبلر.
منجملر حیرت
ایچینده بو کهکشانلارین 13 میلیارد ایل بوندان قاباقدا ظاهر اولماسینی گؤردولر.
بو تحقیق
یازانلاردان بیری اولان «آکیرا کونو» تأکید ائله‌دی: بو کهکشانلارین پاریلداماسی بیردن بیره یئددی سککیز
یوز ایل بؤیوک پارتلامادان سونرا ظاهر اولدو. بو مسأله فضایی یونیزه اولماغی داها
یاخجی درکینه کؤمک ائلیه‌جاق.
بو تحقیقین
نتیجه‌لری Astrophysical Journal مجله‌سینده منتشر اولوب.