دسامبرین
21-دن 23-نه قدر (آذرین 30-دان دی
آیی‌نین 2-سینه قدر) یئر اوزو قاپ- قارانلیق اولاجاق. گؤره‌سن بو بو اوچ گونده دنیا دوناجاق؟ گؤره‌سن بو حادثه انسانین یاشاییشینا پیس تأثیر قویاجاق؟
یوخاریداکی
جمله‌لر بو گونلرده یاییلان
شایعه‌لردیر. بو شایعه‌لرین بیر اوجو ناسایا چاتیر. کئچن اون دؤرد ایلده بو شایعه‌لره مختلف شکللرده راست گلماق اولار. قاباق ایللرده‌کی شایعه‌لر دنیانین باشا
چاتماسیندان خبر وئریردیلر آما بو ایلکی شایعه، مسأله‌نین فقط طبیعی بیر حادثه اولدوغونا تأکید ائله‌ماغینان اونو داها چوخ انسانا ایناندیرماق ایسته‌ییر.
بو دفعه
دئییرلر بو اوچ گونده گونشین جوّینده بیر سئری پارتلامالار نتیجه‌سینده چوخلو انرژی آزاد اوماغینان گونشین یئلی داها سرعتلی
و شدّتلی اسه‌جاق و یوکلو ذرّه‌لری یئره طرف گتیره‌جاق و اونلار مغناطیس میدانی‌اینن بیر-بیرلرینه تأثیر قویماغینان گونش طوفانلاری حاصل
اولاجاق و نتیجه‌ده گونون ایشیغی‌نین یئره چاتماسی امکانسیز اولاجاق و یئر اوچ گون بویو
مطلق قارانلیغا جوماجاق.
گونش
طوفانلاری ارتباطی سیستملری‌نین قطع اولماسی،
اوچوشلارین مختل اولماسی و چوخلو عارضه‌لره
سبب اولا بیلر.