یاخجی اولار اوروجلوقدان بیر هفته سونرایاجن اوروجلوقدا یئدیغیمیز ترتیبی
رعایت ائدیب ناهار و صبحانه واختلاری یونگول یئماق یئییلسین.
اوروجلوق آییندا خیریم- خیردا یئماق و
یئماغا نَخَنک سالماق کیمی بعضی اشتباه عادتلر ترکیدیلیر و هضم سیستمی یاری
استراحت وضعیته دوشور.
اوروجلوق آییندا بدندن زهرلرین آلینماسیندان علاوه مصنوعی و یاغلی یئماقلارین
مصرفی‌ده
آزالیر.
آما اوروجلوق قورتولاندان سونرا صبحانه و ناهار واختلاری آغیر و یاغلی غذالار
یئییلسه کؤکلماغا سبب اولا بیلر.
اوروجلوقدان چیخماق همان آرتیق یئماق بدنده اسید اوریک و کلسترولون مقدارینی
چوخالدار کی بو مسأله سوء هاضمه‌یه گتیریب چیخارا بیلر. بونا گؤره هئچ اولماسا بیر هفته‌یه قدر اوروجلوق
آیین عادتینی ساخلاماق لازمدیر.
وعده‌لر آراسیندا خیریم- خیردا دا یئماق ایسته‌سز یاخشی اولار
میوه و یا گؤی یئیه‌سیز و گون بویو سو و مایعاتدان داها آرتیق استفاده ائلیه‌سیز.
یاخجی اولار اوروجلوقدان سونراکی اوّل گونلرده تویوق و بالیق و سودا پیشمیش
غذالار کیمی حجمی آز و یونگول غذالاردان
استفاده ائلیه‌سیز کی هضم سیستمی تازا شرایطه عادت ائلیه.