عالملر ناسانین دیتالارینی تحقیق ائله‌ماغینان زحل قمری‌نین تیتان آدلانان اقیانوسونون، یئر اوزونده‌کی «اؤلو دریا»
قدر شور اولدوغونو بیلیبلر.
اردن‌ین شرق
ساحلینده یئر آلان «بحرالمیّت» و یا «اؤلو دریا» یئر اوزونون لاپ شور دریاسیدی کی
اوردا هئچ جانلی یاشامیر و ائله بونا گؤره ده بو آدی اونا ودئریبلر.
عالملرین اله گتیردیقلاری کئچن اون ایل بویو تیتاندان اله گلن تازا توپوگرافی
دیتالاری تحقیق ائله‌ماغینان حاصل اولوب. اونلار بو سفینه‌نین دیتالارینی تحقیق ائله‌ماغینان بو قمرین اوستونو توتان بوزون ترکیبینه داها آرتیق
تانییبلار.
تازا اله گلن اطلاعات تیتانین اوست لایه‌سی‌نین قاباقکی برک اولما نظریه‌سینی تأیید ائلیر. عالملر دیتالاری تحقیق ائله‌ماغینان بیلیبلر کی بو اقیانسون بستری حل اولمامیش دوزلارین
سویونان قاریشمیندان اله گلن نهایتسیز شور اولمالیدیر. بو دوزلار چوخ احتمالا گؤره
جوجورت، سدیم و پتاسیم‌دان تشکیل تاپیب.
بوجور غلیظ اولماق بو اقیانوسون یئر اوزونون لاپ شور جرملری کیمی اولماغینی
آشکار ائلیر.
بو مقاله‌نین
یازانی فرانسه‌نین نانت
دانشگاهیندان «گویسپ میتری» دیر کی اونو Icarus مجله‌سینده چاپ ائدیب.