اوروجلوق آیی‌نین تغذیه‌سی چوخ مهمدیر. بونا گؤره اونا آرتیق دقّت یئتیرمه‌لی و نئجه یئدیغیمیزا دا اهمیّت وئرمه‌لی‌یوق.

اوروجلوغون ایستی و اوزون گونلری اوروج توتانلاری اذیّت ائلیه بیلر. آما تغذیه مسأله‌سینه دوزگون دقّت یئتیریلسه بو مسأله حل اولا بیلر.

ناخوشلار و گوجلری اولمایانلار اوروج توتماقدان معاف اولسالار دا اوروج توتماغین انسان جسمی‌نین بعضی ناخوشلوقلارینا خیرلی اولدوغو ثبوت اولونوب. آشاغیدا کیملرین اوروج توتوب و کیملرین توتابیلمه‌دیقلاری یازیلیب:

هانسی ناخوشلار اوچون اوروج فایدالیدیر؟	کیملر اوروج توتماسینلر؟
-قانلاری‌نین یاغی چوخ اولان انسانلاری اوروج فایدالیدیر و اونلارین ضررلی یاغلارین آزالدیب فایدالی یاغلارین آرتیرار.	-هضم سیستملرینده ناخوشلوقلاری اولان، مثلاً معده یاراسی سابقه‌سی اولانلار اوروج توتانمازلار. چونکی بئله انسانلار غذا یئمه‌سه‌لری یارالاری قاییدا بیلر.
	-اوزون مدّت آج قالدیقلاریندا معده‌لری قانایان انسانلارین اوروج توتماغی مصلحتلی دئییل.
	-دیابتلری اولان ناخوشلار، قانلارینداکی قند مرتّب اولاراق تنظیملنمه‌سی لازم اولماسینا گؤره اوروج توتماقدان ضرر گؤره بیلرلر. اوندان علاوه انسولیندن استفاده ائله‌ینلر، انسولین نوعی‌نین تئز و اوزون مدّت تأثیر قویدوغونا دقّت یئتیرماغینان، بعضاً قانین قندینی آشاغی یئندیرر.
	-اورک ناخوشلای‌نین واختیندا و ساعت باشیندا داوا - درمان یئماقلاری‌نین چوخ اهمیّتی وار. نیتروکانتین حبلری و یا دیل آلتی کپسول‌لاری واختیندا مصرف اولمالیدیر.
	-قان فشارلاری آشاغی و یا یوخاری اولان انسانلارطبیب نظارتینده اولمالیدیلار. بئله انسانلار داوا-درمانلارینی واختیندا آتمالیدیلار کی چتینلیغا دوشمه‌سینلر

 

آشاغیدا اوروج توتانلارا یئماق باره‌ده فایدالی توصیه‌لر وار:

اوروجلوق آییندا تغذیه	اوباشدانلیق یئماغی	افطار یئماغی
-اوروجلوق آییندا قیزارتما و یاغلی یئمه‌لیلردن استفاده اولونماسا داها یاخشی اولار چونکی قانداکی یاغین مقدارینی آرتیرماقدان علاوه سوء هاضمه و معده ورمی و کؤکلوغا سبب اولار. -	-چوخلاری گون آجالماغین قاباغینا آلماقدان اؤترو اوباشدانلیقدا یاغلی و کالوری‌لی یئماقلارین مصرفی‌نین فایدالی اولدوغونو دوشونورلر. آما یاغلی و کالوری‌لی یئماغین جذبی اوچون بدنین سو مصرفی یوخاری گئدر و سوسوزلوغا سبب اولار.	- یاغلی و قیزاردیلمیش سوغانی اولان یئماقلار اوروجلوق اوچون مناسب یئمه‌لی دئییللر . یاخجی اولار بو آیدا یاغی آز و قیزارتماسی اولمایان یئماقلار مصرف اولونسون.
-چوخ چای ایچماق مخصوصاً اوباشدانلیقدا توصیه اولمور. چونکی چای آیاق یولونا تئز-تئز آپارا و بدنین سویونو الدن وئرماغا سبب اولار.	-اوباشدانلیقدا میوه و گؤی کیمی فیبرلی و یاغسیز یئمه‌لیلرمصرف ائله‌یین. چونکی فیبرلی یئماقلار داها چوخ سویو اؤزونده جذب ائلر و بدن اونو آراملیغینان جذب ائلر و گئج سوسار.	-یاخجی اولار شام یاریم ساعت افطاردان سونرا یئییلسین و یاتماقدان اوّل ایکی لیوان رنگسیز چای ، بیر لیوان یاغسیز سوت و هئچ اولماسا ایکی میوه یئماق یاخجی اولار.
-اوروجلوقدا خامالی شیرنی، زولبیه بامیه، چوخ شیرین حالوالار کیمی شیرین یئمه‌لیلرین یئمه‌سی کؤکلماغا سبب اولماقدان علاوه قانین قندینی چوخالتما احتمالی‌دا وار.	-اوباشدانلیقدا چوخ سو ایچماق مخصوصاً غذا آراسینداتوصیه اولمور چونکی معده‌ شیره‌سی‌نین رقیقلنمه‌سینه سبب اولار و هضم سیستمی‌نی مختل ائلر.	-افطار زمانی ایستی سوت، سوتلی آش و فیرنییئماق یاخجی اولار. اوباشدانلیقدا و افطاردا سولو یئماقلارین مصرفی بدنین سو دنگه‌سینی ساخلاماغا کؤمک ائلر.
-لبنیات، میوه و گؤی، چؤرک و تاخیل کیمی مختصر و یونگول یئماقلارین مصرفی توصیه اولونور.	افطاردان سونرا یاتانا قدر سو، میوه سویو، دوزسوز آیران و سوتونمصرفی بدنین سو و الکترولیت دنگه‌سینی ساخلاماغا کؤمک ائلر.	-افطار اینان اوباشدانلیق آراسیندا تنقّلات مصرفی انسانا توخلوق حسّی وئرر و غذایا میلی آزالدار.
-خرما مصرفی قان قندی‌نین تنظیمینده فایدالیدیر. بونا گؤره افطار زمانی 4-5 عدد خرما یئماغین چوخ فایداسی وار. البته هر بیر شئیین آرتیق مصرفی ضررلی اولا بیلر.	-بیر عدّه‌نین اشتباه فکرینه رغماً اوباشدانلیق یئمه‌ماق انسانی آریقلاتماز بلکه گون بویو قانین قندی آشاغی یئنماغینان انسان افطار واختی چوخ شیرین شئی یئماغا میل‌لی اولار و نتیجه‌ده کؤکلر.	- افطاردا و افطاردان اوباشدانا قدر میوه و گؤیون مصرفی اونلارین فیبرلی اولدوقلارینا گؤره چوخ فایدالیدیر. اونلار بدنین ویتامین و املاحینی تأمین ائله‌ماقدان علاوه سوسولوغون دا قاباغینی آلارلار.
	-اوباشدانلیقدا شیرین شئلرین یئمه‌سی توصیه اولمور. چونکی انسولینین تحریکی اینن قندین سلول‌لارا داخل اولماسینا سبب اولار و نتیجه‌ده بدن قند آزلیغینا دچار اولار. بئله‌لیغینان اوباشدانلیقدا شیرین یئمه‌لیلرین یئمه‌سی گون بویو تئز آجالماغا سبب اولار. میوه‌لرین‌ده قندلی اولدوقلارینا گؤره اونلارین اوباشدانلیقدا آز مصرف اولونماسی توصیه اولور.
		-سرین سو و سرین ایچمه‌لیلرین مصرفیبدنه ضررلیدیر و یاخجی اولار انسان همیشه محیطله بیر حرارتی اولان سو و یا مایعات استفاده ائله‌سین.
		- افطار زمانی حددن آرتیق سو ایچماق غذا هضمینی مختل ائلر. اوباشدانلیقدا دا بو ایشین ضرریندن سوایی فایداسی یوخدور.