عالملرین قوجالما گئدیشینی حیوانلاردا ترسه ائلیه بیلدیقلاریندان سونرا، دئیه‌سن
نهایتده جوانلیق چشمه‌سی تاپیلدی.
هاروارد دانشگاهی‌نین محقق‌لری DNA سلولونون
داها تأثیرلی ارتباطی اینن سیچانین یاشینی دالی قایتاردیلار.
هارواردین طبّ دانشکده‌سی‌نین ژنتیک متخصصی پرفسور دیوی سین کلیر دئدی: بو ایش
انسان یاشیندا مقایسه‌ده، ائله بیل 60 یاشلی بیر انسانی ایرمی یاشلی بیر انسانا
تبدیل ائله‌میشوق.
محقق‌لر بو نتیجه‌یه چاتدیلار کی قوجالاندا، سلولون چردگینده یئرلشن DNA چردگی اینن سلولون آیری قسمتلرینده اولان میتوکندریالی DNA، آرالاریندا اولان رابطه‌لری قیریلیر و ناخوشلوق و
یاشلانما آثاری گؤروشور.
سنکلر لابراتواریندان دکتر آنا گومز دئییر: قوجالیق پروسسیندن بو خاص ترکیب
ایندیه‌جن گؤروشمه‌میشدی.
عالملر رابطه‌ده مشکلون عاملینی «آدنين
دی نوکلئوتيد نيکوتين اميد» آدیندا بیر پروتئینین آزلیغی گؤردولر. اونلار «آدنين دی
نوکلئوتيد نيکوتين اميد»-ین مقدارینی چوخالداندا قوجالیق پروسسی ترسه اولدو.
پروفسور سینکلیرین دئدیگینه گؤره، رابطه‌لری ترمیم ائله‌ماغینان مشکل حل
اولدو، آما هله بو زمینه‌ده گؤرماغا چوخ ایش وار. نتیجه‌لر ثابت دایانسا قوجالیغین
چوخ قسمتلری ترسه اولا بیلر.
بو تحقیقین نتیجه‌لری " سلول " (Cell)
مجله‌سینده چاپ اولوب.