عالملر ثانیه‌نین بیر تریلیونیومدان آز زماندا، سویو قایناتماق اوچون تازا
تکنیک تاپیبلار.
عملده گؤرسدیلمه‌ین بو نظریه‌یه گؤره آز مقداردا سویو بیر پیکو ثانیه‌ده
(ثانیه‌نین بیر تریلیونیومدا) قایناتماق اولار.
عالملرین سویو قایناتماغا تاپدیقلاری تازا تکنیک، بیر گؤز قیرپیمیندان چوخ-چوخ
آز زماندا باش وئریر. بونو توضیح وئرماغا بونو بیلمه‌لیسیز کی بیر پیکو ثانیه‌نین
بیر ثانیه‌یه نسبتی، بیر ثانیه‌نین 32 مین ایله اولان نسبتی قدردیر! بو مسأله
عالملرین تازا تکنیکینی، یئر اوزونده سویو قیزدیرماغا لاپ یئیین یول ائلیر.
سویو بوجور قایناتماق تراهرتز موجلاری‌نین متمرکز اولماسیندان اله گلیر.
تراهرتز موجلاری، رادیویی و مادون قرمز موجلاری آراسیندا اولان فرکانسدا،
الکترومغناطیس موجلارا شامل اولور.
تراهرز موجلارینی متمرکز ائله‌ماغا، الکترونسوز لیزر دستگاهلاریندان استفاده
اولونور. بو دستگاه سرعتلی الکترونلاری بللی و مارپیچ بیر مسیرده گؤندره بیلیر. بو
ذره‌لر هر دؤنمه‌ده الکترومغناطیس موجلار ساطع ائلیر و ضربه کیمی لیزره آرتیریلیر.
تراهرتز ضربه‌لری سو مولکول‌لار‌ینین آراسینداکی تعامل گوجونو چوخ قیسا بیر زماندا
آرتیریر و اونلاری تیترمگه وادار ائدیر.