نروژده اوچ مین بئش یوز نفر
ساکنی اولان «ریوکان» شهری، یوز ایل بویونجا گون ایشیغیندان محروم ایدی و ایندی
انسان تکنولوژیسی سایه‌سینده گون ایشغیندا بوغولاجاق.
ریوکان شهری، داغلارین آراسیندا
قالیب سپتامبر و مارس آیلاری آراسیندا گون ایشیغیندان محروم اولوردو. بو شهرین
بناسی، یوز ایل بوندان اوّل «سام اید» آدلی بیر شخصی واسطه‌سی اینن طبیعی کود
تولیدینده بو منطقه‌ده یئرلشن آبشارین طبیعی قدرتیندن استفاده ائله‌ماق اوچون،
قویولوب و بو شرکتین ایشله‌ینلر اوردا قالیرلار.
شهر ساکنلری همان زماندان
بو شهرده گون ایشیغیندان محروم اولماغا چاره آختاریردیلار و اونون جبرانی اوچون
داغ باشینا، گونشین ایشق سالدیغی یئره قدر شهردن بیر تله‌کابین چکمیشدیلر.
آما شهرین بناسیندان یوز
ایل سونرا ایندی داغ باشینا اوچ بؤیوک 17 متر مربعلیق آینا یئرلشدیریلیب کی
کامپیوتر برنامه‌سی اینن گونه باخان کیمی گونشی اینن باهم فیرلاناجاقلار و گونون
ایشغینی شهرین مرکزینه انعکاس وئره‌جکلر. بو آینالار 710 مین یورویا باشا گلیب.