جهانی بهداشت سازمانی: هوانین
چیرکلیغی سرطان گتیرر
جهانی بهداشت سازمانی
نهایتده بؤیوک شهرلرده یارانان چیرکلی هوانین سرطانلی اولدوغونو آچیقلادی.
آسوشیتدپرسین وئردیغی خبره
گؤره «سرطان باره‌سینده بین‌المللی تحقیقات سازمانی» (IARC) هوانین چیرکلیغی، دخانیات و ماورای بنفش ایشیقلاری کیمی، سرطان
عاملی اولا بیلر.
بو نتیجه فرانسه‌ده جهانی
بهداشت سازمانینا باغلی اولان بیر متخصص هیأتی اینن مشورتدن سونرا اله گلدی.
IARC-نین
سرطانلی مادّه‌لری دَیَرلندیرن بیر بؤلومونون رئیسی، کورت استریف بو باره‌ده دئدی:
چوخلارین نفس آلدیغی هوا مرکّب سرطانلی مادّه‌اینن قاریشیب.
اونون دئدیگینه گؤره «محیطی
سرطان عامل‌لرین» لاپ اساسلی‌سی هوا چیرکلیغیدیر و محیطده‌کی سیگار توستوسو
ایکینجی درجه‌ده یئر آلیر.
بو نظر دنیانین باشا
باشیندا 1000 –دن چوخ آنالیزدن سونرا اعلام اولوب. آنالیزلر بو نتیجه‌یه گتیردیلر
کی چیرکلی هوا، آغ جیگر سرطانینا سبب اولا بیلر.
IARC-نین
وئردیغی آمارا گؤره 2010-جو ایلینده دنیادا 222000-دن آرتیق انسان، هوا
چیرکلیغیندان عمله گلن سرطان اثرینده اؤلوبلر. بو سازمانین اعلامینا گؤره هوا
چیرکلیغی مثانه سرطانینا دا گتیرب چیخاردا بیلر.
استریفین دئدیگینه گؤره، بؤیوک
شهرلرده هوا چیرکیلیغی‌نین چوخ اولدوغونا گؤره بعضیلری ماسکدان استفاده ائله‌ماغینان
هواداکی معلق اولان ذرّه‌لردن قورونا بیلرلر آما هوا کیفیّتینی دوزلتمک اوچون دولتلر
طرفیندن اساسلی ایشلر گؤرولمه‌لیدیر.