ناسانین دئدیغینا گؤره، آیین سطحینده اولان معدنی داشلارداکی سویون منبعی بو قمرین درینلیغینداکی سودور.
بو تازا کشف، هندلی «چاندرایان -1» سفینه‌سی‌نین واسطه‌سی اینن اولوب.
آپولو اکتشاف برنامه‌نین واسطه‌سی اینن گؤندریلن نمونه‌لرین اوستونده آپاریلان اوّلکی تحقیقلر، آیدا «ماگما» سویونون اولماسیندان خبر وئریردی.
جان هاپکینز دانشگاهی‌نین عالملریندن اولان «راشل کلیما» بو باره‌ده دئییر: «بو داشلار معمولاً سطحین درینلیغیندا یئرلشیلر کی «Bullialdus» دلیگینی یارادان بیر اثرین واسطه‌سی اینن آیین سطحینه گلیبلر».
او آرتیردی: «بو دلیگین اطرافینی مقایسه ائدندن سونرا، اونون مرکزی بؤلومونده چوخلو مقداردا «هیدروکسیل»ـه (بیر هیدروژن و نئچه اکسیژن اتمی اولان مولکول) راست گلدوق. بو، آیین درینلیغیندان گلن دلیگین داشلاریندا، سویون اولماسیندان خبر وئریر.