عالملر آنا سوتونو اوشاغین اوچ یاشدا دیل آچماسی و یئددی یاشداکی دانیشیق هوشونون داها یاخجی اؤرگشماغیندا تأثیرلی بیلیرلر.
بوندان اوّل آنا سوتونون کؤرپه‌نین سلامتلیغیندا فایدالی اولدوغو باره‌ده تحقیقلر اولموشدو آما آنا سوتونون اوشاغین معرفت جهتیندن نه قدر تأثیرلی اولدوغو آزاراق تحقیق اولموشدو.
"مندی بلفورت"، بوستونون اوشاقلار مریضخانه‌سی‌نین اوستادی و همکارلاری، آنا سوتو یئماغینان اوشاغین اوچ یاشدان یئددی یاشا قدر معرفت گوجو آراسیندا رابطه‌نین اولماسینی مطالعه ائله‌ییبلر.
اونلار هابئله آنانین سوت وئردیگی زمان بالیق مصرف ائله‌مه‌سی باره‌ده و کؤرپه‌نین معرفت گوجو باره‌ده تحقیق ائله‌ییبلر.
مطالعه‌لر، آنا سوتوندن اوزون مدّت تغذیه ائله‌ماغینان اوچ یاشدا تصویری کلمه‌لرین چوخالماسی و یئددی یاشدا هوشون داها یوخاری اولماسینی گؤرستدی. بونونلا بئله محققلر آنا سوتو اینن اوزون مدّت تغذیه‌نی حافظه‌نین چوخالماسی و داها عاغیللی اولماغینان رابطه‌لی بیلیرلر.
بو محققلرین دئییرلر: خلاصه دئساق بیزیم تحقیقلر آنا سوتو اینن تغذیه‌نین اوچ یاشدا لغت دایره‌سی‌نین بؤیوکلویو و یئددی یاشدا کلامی و غیرکلامی هوشون چوخ اولماسی اینن رابطه‌لی اولدوغونو گؤرسدیر.
بو تحقیقین نتیجه‌لری JAMA Pediatrics نشریه‌سینده درج اولونوب