آلمانین ساربروکن شهرینده مکس پلانک مؤسیسه‌سی‌نین موحقیقلری گؤزون حرکتلرینی تعقیب ائدن بیر دستگاه دوزلدیبلر. بو دستگاه بیر زماندا نئچه نفرین گؤزونو تعقیب ائده بیلیر و تبلیغات، کامپیوتری اویونلا رو آیری عرصه‌لرده ایش‌وئریشلی اولاجاق.
انفورماتیک مکس پلانک مؤسیسه‌سیندن اولان آندریس بولینگ و همکارلاری، بریتانیانین لنکستر دانیشگاهیندا بو دستگاهین اولیّه نمونه‌سینی دوزلدیبلر.
ساید وئیز (SideWays) آدلی بو دستگاه بیر ساده ویدئو دوربیندن و کامپیوتر برنامه‌سندن ایستیفاده ائدیر.
گؤز حرکتلرینی تعقیب ائله‌مه تکنولوژیسی تازا دئییل، آما بو تکنولوژی‌یه صاحیب اولان دستگاهلارین چوخونون کالیبره اولماغا احتیاجلاری وار و فقط بیر نفرین باخیشی ایله ایشلیرلر.
ساید وئیز دستگاهی‌نین اولیه نمونه‌سی موختلیف یاشلاردا، قدّلرده و موختلیف رنگلرده اولان 14 نفرین باخیشینی تعقیب ائده بیلر. بو افراد بیر سئری لؤحه جیلیدلرینه باخماغینان بو دستگاهینان رابیطه قورورلار. بو دستگاه اردیبهشتین دوققوزوندا پاریسده نوماییشه قویولدو