خصوصی بیر سازمان بیرینجی فضایی توریستین رهبرلیغینن 2018-جی ایله‌جن ایدّعالی بیر طرحینن مریخه سرنشینلی سفینه گؤندرماق فیکرینده‌دیر. اونلار بو سفینه‌اینن یوللاماق اوچون بیر ار-آرواد آختاریرلار.
لایوساینسین وئردیغی خبره گؤره، بو طرح 2001-جی ایلده اؤز خرجی اینن گؤیه گئدن آمریکالی میلیاردر، دنیس تیتو طرفیندن ایجرا اولاجاق. اونلارین اینسانلاری مریخ سیاره‌سینه یئندیرماق قصدلری یوخدور بلکه سیاره‌لرین چوخ نادیر حاللاردا باش وئرن بیر سیرادا دوزولماقلاریندان ایستیفاده ائدیب، مریخین کناریندان رد اولماق قصدلری وار.
تیتو اؤز طرحینی آمریکانین میلّی مطبوعات کلوبوندا مطرح ائدیب خبری کونفرانسدا دئدی:«مریخین ایلهام بونیادی» آدیندا بیر سازمان بو مأموریّتین حامیسی اولاجاق.
تیتو امیدوارلیغین بیلدیردی کی لازیم اولان راکئت و سفینه‌نین بازاردان آلیب ایکی نفری501 گونلوق دولاندیرا بیلن شکلده دییشیب مریخه طرف گؤندره.
تیتو دئییر ار-آروادی بو سفینه‌نین سرنشینلری کیمی یوللاماق، فضایا گئدنلرین اینزیوالاری اثرینده موبتلا اولدوقلاری روحی موشکوللرین قاباغین آلاجاق.
بو سفر قراردی 2018-جی ایلین ژانویه‌سینده باشلایا.
تیتو دئییر: 500 گون عرضینده مریخه سفینه یوللاییب قایتارماغین اله دوشماق فورصتی چوخ نادیردیر. بو فورصت الدن گئتسه همن ایشی ایکی اوچ ایلده گؤماق اولار.
تیتو بو طرحی موشکوللو بیلسه‌ده اونو عملی بیلیر.