بریتانیالی موحقیقلر چالیشیرلار بیر تکونلوژینی صنعتیلشدیرسینلر و مایکروویودن ایستیفاده ائدیب پورتاغال قابیغیندان ارزیشلی شیمیایی مادّه دوزلتسینلر.
یورک دانیشگاهی‌نین، تازالانانلارین توسیعه‌سی مرکزی‌نین تیمی، بونا اینانیرلار کی غذایی محصوللار و ائولرده اولان مادّه‌لردن ایستیفاده ائدیب اوجوز وجهله شیمیایی مادّه‌لر دوزلتمک اولار.
بو تحقیقاتی مرکزین مودیری، مگی اسمال وود دئییر: تکجه برزیلده، ایلده سککیز تون پوتاغال قابیغی تولید اولور. بونلارین یاریسی ائشیگه آتیلیر و بو مسأله اونلارین آرادان آپارما موشکولونو آرایا گتیریر. آما بو تکنولوژینی صنعتلشدیره بیلساق، پورتاغال قابیغی ارزیشلی شیمیای مادّه‌لره بؤیوک منبع اولاجاق.
یورک دانیشگاهی‌نین یاشیل شیمی تیمی‌نین اعضاسی طرفیندن تولید اولان بو تکنولوژی، مایکروویودن ایستیفاده ائدیب قابیغی اوکسیژنسیز بیر موحیطده قیزیشدیریر و یوخاری فیشار تولیدی ائدیر.
بو تکنولوژی اسید هیدرولیزینی چوخالدیر و اسید هیدرولیزینده، سلولوزی مولوکوللارینی شکله تبدیل ائدیر. بیر پروسه کی مایکروویوسیز ایمکانسیزدیر.
بو مرحله‌دن سونرا شیمیای مادّه‌لر او جومله‌دن لیمونئن (تمیزله‌ییجی محصوللاردا ایستیفاده اولونان عطیر مادّه‌سی) و پکتین (مورابّا حاضیرلانماسیندا ایشله‌نن ژل عامیلی)تولید اولور.
مارک پرونوون دئدیگینه گؤره، معمولاً پکتین مورابّادان سونرا هئچ زاددا ایشلنمز آما اونون تولیدی چتیندیر.
بو دانیشگاهین موحقیقلری بیر دستگاه دوزلدیبلر کی بیر ساعتده 30 کیلو پورتاغال قابیغینی گلیشدیریر و اومیدلری وار بو تکونولوژینی میلیونلار تون قابیغی گلیشدیره بیله‌جک سطحده قاباغا آپارسینلار.