مونظم
صورتده ورزیش ائله‌ماق یاشلی اینسانلارین عؤمرون چوخالدار.
استرالیانین
موناش دانیشگاهی‌نین موحقیقلری تایوانلی موحقیقلرین همکارلیغی‌ایله یاشلی اینسانلاردا
بدنین حرکتی و چکیسی‌نین اؤلومله رابیطه‌سینی بیلمک اوچون تایواندا 97-65 یاشدا
اولان 1435 کیشی و خانیمی, 8 ایل بویوندا نظر آلتیندا ساخلادیلار.
دؤکتور
مارک والک ویست, موناش دانیشگاهیندان بو تحقیقین رئیسی دئییر اوست-اوسته یاشلی
اینسانلاردا ضعیفله‌ماق و یونگوللشماق دیری قالماغین خطره دوشمه‌سی دئماقدیر.
اونون دئدیگینه گؤره,
موحقیقلر بو تحقیقده باش تاپیبلار کی عضوله‌سی آز اولان قوجالار (قوجالیق اثرینده
قودرت و عضوله بافتینی الدن وئرمک) و اسکلتلری کیچیک اولانلار اؤلوم خطرینه داها
چوخ یاخین اولورلار, مخصوصاً او زمان کی فیزیکی حرکتلری آز اولا. اوندان علاوه
طبیعی و آرتیق چکی‌لری اولان قوجالار و پیاده یئریماق و داغچیلیق کیمی ورزیشلر
ائدنلر داها ساغلام اولورلار و یاشاماق احتیماللاری چوخ اولور.
بو موطالیعه بویوندا دقیق
نتیجه آلماق اوچون یاش, جینس, ایجتیماعی-ایقتیصادی وضعیت و شخصی کیردار نظرده
آلینیب.
دؤکتور
مارک والک ویست آخیرده دئدی کی قوجالارین حرکتی چوخالسا, اؤلوم میقدارینی گؤزه گلیم
میقداردا آزالتماق اولار و بو ایش هفته‌نین موختلیف گونلرینده مولاییم و آز
ورزیشلرینن گؤروله بیلر.