2012-جی ایله گؤره عجیب نظزیهلرین بیری یئرین اوچ گونده
داغیلماسی و یا قارانلیغا بورونمهسیدیر کی تازالیقدا ایمئیل صورتینده جماعته گؤندریلیر
و بو ایمئیلده ناسانین وبصفحهسینه بیر لینک قویولوب.
بو عجیب نظریه دئییر کی گونش, یئر و سامان یولو کهکشانین
مرکزی بیر-بیریله همتاراز اولاجاق و بو آرادا یئر کورهسی صدمه گؤرهجک. و یا بو
ایمئیلین دئدیگینه گؤره یئر اوچ گون بویو قارانلیقدا قالاجاق.
بو ایمئیلده بئله یازیلیر: «ناسا پیشبینلیق ائدیب کی
2012-جی ایلین 25-23 ده(91-جی ایلین دی آیینین اوچوندن بئشینهجن) کائیناتین تاراز
اولان واختیندا, یئر اوزو اوچ گونهجن قارانلیغا بورونهجک. آمریکالی عالیملر یئر
کورهسینده اوچ گون بویو قارانلیغی پیشبینلیق ائدیبلر. بو, دونیانین آخیری دئییل.
دونیانین بو جور تارازلانماسی بیرینجی دفعهدیر کی اولور. یئر ایندیکی وضعیتیندن –کی
اوچونجو بوعددادیر- صیفر بوعدا دگیشهجک و سونرا دؤردونجو بوعدا گئدهجک.
بو کئچیدده دونیا بؤیوک دگیشمهاینن اوزلهشهجاق و بیز
تازا بیر دونیانی گؤرهجهییک. بو قارانلیق گونلرده آرامیشی ساخلاماق, بیر-بیرینی
قوجاقلاماق, عیبادت و یوخو لاپ یاخجی گؤرولمهلی ایشلردیر. بو واقیعهدن سونرا
دیری قالانلار تازا بیر دونیا ایله اوز به اوز اولاجاقلار و موتأسیفانه بو مسألهدن
قورخانلار اؤلهجکلر!»
بو ایمئیلین آخیرینده مسألهنی ایناندیرماق اوچون ناسانین
سایتیندان بیر لینک گتیریلیب. ایندی حقیقت نه دیر و بو ایمئیلین دالیسیندا کیملر
وار بللی دئییل.
قیش اینقیلابی زمانی یئر, گونش و قارانلیق دلیگین هم
تارازلیغینین تأثیرلریندن 2012-جی ایلینده چوخلی شایعهلر یاییلدی کی بودا
اونلارین بیریدیر. زلزله, سونامی, سئل و هاوالارین غیری عادی دگیشمهسی بو شایعهلردندیر
کی اونلاری بو مسألهیه ربط وئریرلر.