تاماشاچی موختلیف آیکونلارا باخماغینان اونو کونترول ائدیر.
برلینین ایفای نوماییشگاهیندا, گؤزونن کونترول اولان
تیلویزیون نوماییشه قویولدو.
گؤزونن کونترول اولان تیلویزیون توبی شیرکتی‌نین
تکنولوژیلارینداندیر. بو سوئدلی شیرکت بیر مودتدیر کی گؤزونن ایشله‌ین کامپیوتر
دوزلتماق تکنولوژیسی اوستونده چالیشیر.
تیلیویزیونا تاماشا ائدن گؤزلرینی صفحه‌نین آشاغی و یا
یوخاریسینا زیلله‌ماغینان گؤزله ایشله‌ین قیسمتی فعال ائدیر. سونرا تاماشاچی ائلیه
بیلر ظاهیر اولان آیکونلارا باخماغینان کاناللاری دگیشه, سسی آزالدیب-چوخالدا و یا
اوخشار ایشلر گؤره.
بو تکنولوژی هله ایبتیندایی مرحله‌ده‌دیر و آزماییشی نوسخه‌لر
دوزلدیلیر و هردن ایشتیباه ائدیر. آما بو گوجو وار کی قدیمی کونتروللی
تیلویزیونلارین یئرینده اوتورسون.
ایندیلیقدا
بعضی هوشلی تیلویزیونلار ال حرکتی و یا دانیشیق یولی ایله کونترول اولورلار.
آزماییش
مرحله‌سینده, اصلی سنسور تیلویزیونون ایچینده یوخ بلکه تیلویزیونلا تاماشاچی
آراسیندا یئر آلیر کی اونون گؤزلری‌نین حرکتینی آراشدیرسین.
بو
سنسور تاماشاچی‌نین گؤزون تعقیب ائله‌ماغینان اونا ایجازه وئریر کی بیر شئیه
ایشاره ائله‌سین, تصویری یاخینا چکسین, بیر شبکه‌نی سئچسین و تیلویزیونون منولاری
آراسیندا دولانسین.
بو
دستگاه هر بیر شخص اوچون تنظیم اولمالیدیر و تاماشاچی‌نین عینکی اولسا دیقّتی
آزالار.
توبی
شیرکتی بو تکنولوژینی معلول‌لارا کامپیوتردن ایستیفاده ائتمک اوچون دوزلتمیشدی.
بو
شیرکتین برنامه‌لری و سنسورلاری‌نین مینلر پوند قیمتی وار کی باعیث اولور بو تازا
محصولون بازارا چیخماسینا فاصیله اولسون.
توبی
دئییر کی اومیدی وار 2013-جو ایله جن بیرینجی محصولونو بازارا وئرسین.