ماساچوست تکنولوژی مؤسیسه‌نین(MIT) موحقیقلری موفق
اولدولار دونیانین لاپ سورعتلی دوربینینی دوزلتسینلر کی دقیقه‌ده بیر تریلیون تصویر
گؤتورور.
ایشیغین سورعتی خلأده هر ثانیه‌ده 299
میلیون متردیر و بونا گؤره معمولی دوربینلرینن بیر جیسمدن کئچن ایشیغین تصویرینی
ثبت ائله‌ماق اولماز.
MIT موحقیقلری
دقیقه‌ده بیر تریلیون تصویر گؤتورن دوربینی طراحلیق ائله‌ماغینان, بیر شوشه‌نین
ایچیندن ایشغین کئچمه‌سی‌نین عکسینی سالیبلار و بو تصویرلرله یاواش حرکت‌اینن بیر
فیلم دوزلدیبلر کی ادینبورگدا اولان TED تکنولوژی کونفرانسیندا نوماییش
وئریلیب.
بو کونفرانسدا نوماییش
وئریلن تکجه فیلمده, لیزر ایشیغی بیر ثانیه‌نین میلیارددا نئچه‌سینده شوشه‌نین
آلتیندان ساچیر و قاپاغیندان ائشیگه چیخیر و بو زماندا سورعتلی دوربین, ایشغین
کئچمه‌سیندن تصویر گؤتورور.
موحقیقلر اینانیرلار کی,
هزینه‌لر آزالسا و بو تکنولوژیدن تیجاری ایستیفاده ائله‌ماق اولسا, جماعت گله‌جاقدا
بیر ایسکنردن ایستیفاده ائله‌ماغینان میوه و گؤیون ایچینه ایشیق سالماغینان او
محصولون تازا اولماسیندان موطمئین اولاجاقلار.