بسم الله الرحمن الرحيم

 

"و نريد ان نمن علي الذين استضعفوا في الارض و نجعلهم ائمه و نجعلهم الوارثين".

صدق الله العظيم

 من بو عظمت لی حماسه نی بزرگوار مردما تبریک دییرم نیه کی پیروزلوق بو ملتین حقی دی چون ایل لر بویو شاهنشاهی رژیمین ظلم لرینین آلتیندا یاشاماغ و جهانی استکبارین تجاوز و جنایت لرین تحمل ائله ماق بیزیم شریف ملتیمیزین شأنینده دییردی و الله بیزه منت قویوب اوز قدرتینن استکبار جهانی و طاغوت رژیمین آرادان آپاردی و بیزی مستضعف لره رهبر و پیشوا قرار وئردی و جمهوری اسلامینی بیزه عطا ائله دی .

من بو گون، کی  امامت و  پیروزلوق گونی  آدلانیب  دنیایا اعلام ائلیرم بئلنچی بیر رفراندوم دنیانین هئچ نقطه سینده اتفاق دوشمیوب کی ملت حامی سی  رای صندوق لارینا هجوم گتیره و  جمهوری اسلامیا رای وئره و طاغوتی رژیمین همیشه لیک  تاریخین آشغال قابیندا دفن ائلیه.

بو همبستگی لیغین مصداقی  همان آیه  شریفه کی دییر: " واعتصموا بحبل الله جميعا  و لا تفرقوا " .

بو اتحاد  و همبستگی لیق  شرق و غرب حاکم لرینه ثابت ائله دی کی بیزیم ملت ایمیز سیاسی و اجتماعی و اونون کناریندا معنوی رشد دن برخوردار دی .

مبارک اولسون سیزه و  او  آنا لارا کی اوز بالالارینین  شهادته چاتماسیندان سورا  فرعون زمان دشمنین  قاباغیندا پیروز اولدولار  و جمهوری اسلامیه رای وئرماغینان عادل حکومتین تشکیل تاپماغین  فراهم ائله دیلر. بیر حکومت کی ملت بیر گوزده گورونوب و الله نوری حامیا  بیر شکیل ده ساچاجاق  و  قران و سنت  رحمتی یاغیش کیمین یاغاجاق.

مبارک اولسون سیزه نیه کی  جمهوری اسلامی حکومتینده اختلاف نژاد و سياه و سفيد و ترك و فارس و لر و كرد و بلوچ فرقی یوخدی  حامی برابر و برادر دی و هر کیمین کرامتی اوز اعمال و  تقواسینین سایه سینده دی نه پست و مقام و ثروت.

مبارک اولسون سیز ملته کی  اسلامی قانون مقابلینده داها آغا ، خانم و مذهبی اقلیت لر آراسیندا فرق یوخدی . اوندا کی طاغوت رژیمی دفن اولدی  طغیان و سرکش لیقدا اونون کناریندا دفن اولدی و مملکتیمیز دشمنین غارت و چپاولوندان  قورتولدی.

ایندی سیز ملت مملکتین پاسداری سیز و گره ک اوز نفتیزدن و  ملی سرمایه لریزدن دفاع ائلیه سیز نیه کی دشمن او جمله رژیمین قالان لاری و همیده بین الملی  اورولار  صف چکیب تا سیزین بو عظیم سرمایه لریزه تجاوز ائله سین.

  ایندی بو وظیفه سیزیندی کی اوز سرنوشتیزی ائلیزه آلیب  دشمن قاباغیندا دایاناسیز  و بونون امکانی یوخدی مگر اتحادینان کی اونون دا مظهری همان سالم و عادل شخص لری مجلیسه یول لاماقدی .

12 فروردین گونی بیزیم ملت اوچون ملی مذهبی جشن گونودی  بیر گون کی  طاغوت حکومتینین پایه لری  سست اولدی و شیطان سلطه سی همیشه لیق بیزیم مملکتدن کوچون چاتدی و من ایندی عمرومون آخر لحظه لرین سیزین کناریزدا بو امیدو آرزونان یاشییرام کی حکومت اسلامی سیزین پاسدارلیغیزینان همیشه قالارگی اولا .

منیم دولتدن ایستئیم بودور کی شرق و غربدن قوخمیوب و  کشوریمیزی طاغوتی رژیمینین قالان لاریندان پاک سازلیق ائلیه لر  و بیزیم فرهنگیمیزی و همیده اداره لر و دادگستری لریمیزی  اسلامی  ائله ماغینان  اولاری غربی و شرقی الگولردن نجات وئرسین لر  و بوتون دنیایا عدالت اسلامی و استقلالی ثابت ائله سین لر ان شاء الله.

والسلام عليكم و رحمة الله.

 

 

صحيفه امام (ره)، جلد ششم،4-  پيام امام خميني در 12 فروردين 1358