ایمامین مسئوللارا اولان توصیه‌سینه باخیش
نییه جماعتین سسین چیخاردیرسیز؟ من اونلاری ایسلام دیلی‌اینن نصیحت ائلیرم کی بیر بیریله ایختیلاف ائله‌مه‌یین. هانسی میراثدیر کی بؤلمک ایستیرسیز و اونون اوستونده ساواشیرسیز؟ جماعت بو قدر جوانلارینی قوربان وئردیلر و سیزه میراث قویدولار کی سیز بو جور بیر-بیریزین باشیزا ووراسیز و فساد یاراداسیز؟ هانسیزین دده‌سی‌نین میراثیدیر کی بئله ائلیرسیز؟
موسلمانلار«ید واحده» اولمالیدیلار. مجلیسده بو قدر ایختیلافیز اولماسین، شرعی جهتلری رعایت ائدین. هئی بو اونو پیسلیر، او بونو پیسلیر، بو موسلمانلاری ناراحات ائدر. آقالار دئییرلر، موسلمانلار دئییلر، یاخجی بیز اوشاقلاریمیزین قانینی وئرمیشوق، بوردا بیر قبریستان بیزیم جوانلاریمیزینان دولودور، شهرلرین قبریستانلاری بیزیم جوانلاریمیزینان دولودور کی بو ایسلام و بو مملکت یولوندا اؤلدورولوبلر. ایندی کی بونلار اؤلدورولوبلر، آقالار خاریجدن و داخیلدن گلیبلر، بیر بیرلرینن اوتوروب ساواشیرلار.
هانسی میراث اوستونده ساواشیرسیز؟ هانسیزین دده میراثیدیر؟ بیر آز ساکیت اولون. بیر آز مسأله‌لره دیقّت ائدین. هر بیریز دانیشاندا او بیری‌نین ضیدّینه اولماسین کی بو ایسلام ادبینه ضیدّدیر، موسلمانلیق ادبینه ضیدّدیر، اینسانلیغا ضیدّدیر، انبیاء و اولیا مشیینه ضیدّدیر. بو ایشی گؤرمه‌یین. بیر آز ساکیت اولون. بیر آز نفسیزی کنارا قویون، ایشتهاری کنارا قویون. بوتون چتینلیقلاریمیز نفس اوزوندندیر. اینسانین اعدا عدوّ (1)ی نفسدیر کی جنبیه آراسیندادیر. بو اینسانین اعدا عدوّیدیر. بیر آز قاباغین آلین، بیر آز مهار ائدین. (ایمام خمینی(ره) صحیفه‌سی جیلد 13 صفحه 80)