آلمانین بن دانیشگاهیندا اولان تازا تحقیقلر گؤسه‌دیر کی بؤوه دومانلیغیندا اولان بو اولدوزلار, بؤیوک ماژلان بولوتوندا (LMC) یئرله‌شن عظمتلی R136 اولدوزلار سالخیمی‌نین بیر قیسمتی‌دیلر کی یئردن 160 مین ایل ایشیق ایلی اوزاقلیقدادیلار.

ایندیکی نظریه‌لر چوخ بؤیوک و زیرپی اولدوزلارین اولماسین ردّ ائله‌سه‌ده عالیملر دؤرد اولدوز تانی‌ییبلار کی بو قایدالاری بوتونلوکده نقض ائلیر.

ایسنانین گوزاریشینه گؤره, 2010-جو ایلده ناسا موحقیقلری گونون 300 برابری اولان دؤرد بؤیوک اولدوز تاپیبلار.

بوندان قاباق موحقیقلر سامان یولو کهکشانی و آیری کهکشانلاری رصد ائله‌ماغینان, اولدوزلارین لاب بؤیوک اولماقلارینی گونون 150 برابر اولماسی قدر موعین ائله‌میشدیلر. آما تاپیلان اولدوزلار نظریه‌ده دئییلن اندازه‌نین ایکی برابریدیلر.

آلمانین بن دانیشگاهیندا اولان تازا تحقیقلر گؤسه‌دیر کی بؤوه دومانلیغیندا اولان بو اولدوزلار, بؤیوک ماژلان بولوتوندا (LMC) یئرله‌شن عظمتلی R136 اولدوزلار سالخیمی‌نین بیر قیسمتی‌دیلر کی یئردن 160 مین ایل ایشیق ایلی اوزاقلیقدادیلار.

بؤیوک ماژلان بولوتو (LMC) سامان یولو کهکشانینا یاخین اولان اوچونجو کهکشاندیر.

بو دانیشگاهین موحقیقلری بیر کامپیوتری برنامه‌ده, R136 اولدوزلار سالخیمینا اوخشار مودئل دوزلدیبلر کی اوندا 170 مین اولدوز طبیعی جِرمینن بیر-بیری‌نین کنارینا دوزولوبلر.

بو عظمتلی اولدوز سیستمی‌نین زمان بویو دَییشمه‌لرینی حسابلاماق اوچون, جاذیبه اثرلری, اولدوزلار آراسی هسته‌ای عکس‌العمل‌لر و ایکی اولدوزون بیر-بیرنه دَیدیکلری زمان هر اولدوزدان آزاد اولان انرژی باره‌سینده, 150 مین موحاسیبه انجام تاپیب.

پروفوسور «پاول كروپا» بو تحقیقی یازانلاردان بیری دئدییر: اولدوزلارین دوغولما یئرین نظرده آلمادان اونلارین دوغماسی و شکل تاپماسی بیر موطلق و کولّی پدیده‌دیر و  R136 اولدوزلار سالخیمیندا یئرله‌شن بو دؤرد عظمتلی اولدوز اولوزلارین بؤیوکلویونون آخیر حدّینی گؤسه‌دیرلر.