جام جم آنلاین: قوجالیق اینسانین طبیعی
سئیردیر؛ دونیادا بهداشت چوخالدیقجا قوجالارین سایی چوخالماقدادیر. نتیجه‌ده
اینسانین عؤمرو چوخالیر و دوغوم آزالدیقجا قوجالارین سای نیسبتی
چوخالیر.
قوجالارین روحی سیستملری جوانلارلا
فرقلیدیر. قوجالار معمولاً حساس و دَیمه‌دوشر اولارلار, چونکی ایستیرلر اؤز یئرلرین
حیفظ ائله‌سینلر, بیر حالداکی بعضاً آیریلاری اونون حالین رعایت
ائله‌میرلر.
قوجالار روانی جهتدن تئز صدمه گؤررلر و
معمولاً افسورده‌لیغا آماده‌دیرلر. اونلارین غوصه‌لی اولماقلاری طبیعی دئییل و
جوانلاردان داها چوخ افسورده اولارلار و بو ناراحاتلیق اونلارین یوخولاریندا و
ایشتهالاریندا اثر قویار.
مثلاً بیر قوجانین دیابتی وار, روحیه‌سینه
گؤره چالیشر بیر جورلوغونان اؤزگه‌نین دیقتین اؤزونه جلب ائلیه و بونا خاطیر
داوالارین واختیندا آتمیر تا بیر آز حالی پوزولسون و دؤره‌بر اونا دیقت
ائله‌سینلر.
قوجالیق, ناخوشلوق ساییلماز آما اولا
بیلر روحی لحاظدان بیر پارا موشکوللر یاراتسین کی اوندان موغایات اولماق و
پرستارلیق ائله‌ماق لازیم اولا.
قوجالارین روحیه‌سین تانیماق کؤمک
ائلر اونلارینان نئجه دانیشماق ایصلاح اولسون. قوجالارینان مشورت ائله‌ماق لازیمدیر
و گرک اونلاردان مصلحت و نصیحت ایسته‌نیلسین. بو شراییطده اونلار بؤیوکلوق احساسی
ائلرلر و اؤزلرینه ایناملاری چوخالار و قوجالیقلاریندان کئف
ائلرلر.