بیر روس عالیمی تحیقیق تیمی‌اینن
بیرلیقدا چالیشیر 33 ایله‌جن تماماً هلوگرافیک اینسان ایجاد ائله‌سین و بیر
جورلوغونان اینسان اوچون اؤلومسوزلوق گتیرسین.
او موحقیقلردن ایسته‌ییب مجازی
اینسان مغزی اولان اینسانی هلوگرافیک آواتارلار دوزتسینلر و ایندی دونیا
پوللولاریندان ایسته‌ییب کی اونا بو ایده‌آل پروژه‌نی یئرینه یئتیرمک اوچون مادی
کؤمک ائله‌سینلر.
دیمیتری ایتزکوف 2045 بو طرحین
بیناسینی قویوب و قصدی وار گلن 33 ایلده موختلیف آواتارلار یاراتسین. بو طرحده,
اوّل روبات بیر اینسان دوزه‌لیر کی بئیین کونترولون موشترک سطحیندن ایستیفاده ائدیب
فرمانلاردان ایطاعت ائلیه‌جاق. سونرا بیر اینسان نوسخه‌سی دوزه‌له‌جاق کی اشخاص
اؤلندن سونرا بئیین پئیوند وورماق ایمکانی اولوسون. سونرا کی نوسخه‌نین, مجازی
اینسان بئینی اولاجاق و نهایتده اینسان بدنی‌نین آواتارلارین تولید ائلیه‌جاق کی
اینسانی هوشلاری اولسون.
ایتزکوف میلیاردرلره آچیق نامه
یازیب و اونلاردان ایسته‌ییب اؤز عؤمرلرینی چوخاتماق اوچون‌ده اولسا بو پروژه‌یه
کؤمک ائله‌سینلر. او ایدامه‌ده دونیانین پوللولارینا ابدی زیندگانلیق وعده‌سی
وئرماغینان اعلام ائدیب کی هر کسی بو مسأله‌ده شکی اوسا ائلیه‌بیلر اونا ثابیت
ائلیه.
بو پروژه‌نین هدفی اینسانلاری عذاب
و اؤلومدن قورتارماقدیر. بونونلا بئله کی چوخ بؤیوک موتخصیصلر بو پروژه‌ده موشاریکت
ائدیبلر, بو پروژه‌نین یاخجی ایستیقبالینا تضمین یوخدور.
حقیقتده ایتزوکوفون قصدی وار اینساندان
بیر هلوگروفیک نوسخه دوزلده و اینسانین مجازی بئینین بو بدن یا آواتارین ایچینه
قویا و آیری جور دئساق اینسانین بئینین فیزیکی بیر بدندن آواتارا اینتیقال
وئرماغینان, اینسانین اؤلمزلیغین حقیقته چئویره.
2045 طرحینده 30 عالیم ایشلیر و
ایتزوکوفون قصدی وار یایدا سان‌فرانسیسکو شهرینده بو ایش اوچون بیر دفتر آچا و
عالیملر آراسیندا بیر شبکه یاراتماغینان اونلارا ایمکان وئره بیر-بیرلری‌اینن
ایطیلاعات تبادول ائله‌سینلر.