تازالیقدا هلندین«دلف» دانیشگاهیندا
بیر جور پنجره دوزلدیبلر کی انرژی تولید ائلیه بیلیر. بو پنجره‌لر باهالی دئییل و
بیر جور نازیک لایه‌نی معمولی شوشه‌نین اوستونه یاپیشدیرماغینان اله گلیرلر.
بو انرژی تولید ائدن پنجره‌لر انرژی
اوچون اوجوز منبع ساییلا بیلر و لاپ آز هزینه‌اینن انرژی اله گتیرماغا کؤمک
ائلیه‌جاق.
بؤیوک شهرلرده شوشه نومالی بورجلار و ساختمانلاردا بو پنجره‌لردن چوخ
یاخجی ایستیفاده ائله‌ماق اولار. بو ایش اوچون کیفایت ائلر کی شوشه‌نین اوستونه
پاریلدایان نازیک لایه یاپیشسین و پنجره اطرافیندا گونش سلول‌لاری نصب اولسون.
پاریلدایان لایه گونشی جذب ائلیر و اونو گونش سلول‌لارینا گؤنده‌ریر.
البته بو لایه‌نین رنگی‌ده
موهومدور. بو پاریلدان لایه رنگی و کیفیتینه باغلی اولماقلا هر متر موربعده اونلار
وات برق تولید ائلر. بیر نازیک لایه لاپ چوخ 20 وات برق تولید ائلیه بیلر. دوزدور
کی شاید بو میقدار برق ساختمانین بوتون انرژیسین گؤرمه‌یه آما مثلاً 4 متر موربع
اولان پنجره بیر کامپیوتر دستگاهین برقین یئتیره بیلر.