بیر ورزیش ایش بیلنی اوروجلوق آییندا
ورزیشه لاپ موناسیب واخت باره‌ده دئدی: اوروجلوق آییندا آماتور ورزیشکارلار اوچون
لاپ موناسیب واخت ایفطاردان 2-3 ساعت سونرادیر.
شهاب بهرامی ایسناینان دانیشیقدا دئدی:
یاخجیسی بودور کی ورزیشکارلار ایفطار زمانی قند و مایعاتی آز حجمده ایستیفاده
ائله‌سینلر و ایکی اوچ ساعتدن سونرا ورزیش ائله‌سینلر و سونرا شام
یئسینلر.
بهرامی ایدامه وئردی: البته ورزیش
زمانی, ورزیشکارین بدنی و حرفه‌ای اولماق سطحینه‌ده قالیب, نیه کی دری آلتیندا
موناسیب یاغی اولان ورزیشکارلار ایفطاردان بیر ساعت قاباق‌دا ورزیش ائلیه بیلرلر و
ایفطار زمانی الدن گئدمیش سویو فوراً جوبران ائلیه بیلرلر.
او آرتیردی: گون بویو ایکی دفعه
ورزیش ائله‌ین ورزیشکارلارا توصیه اولور اوروجلوق آییندا ورزیشلری‌نین حجمینی
آزالتسینلار و تکجه بیر نوبه‌ده کی بدن قودرتلری و لازیم اولان انرژیلری وار, ورزیش
ائله‌سینلر.
کرمانشاه دانیشگاهی‌نین تربیت بدنی
مودیری, ایفطارینان شام آراسیندا کی فاصیله‌نی رعایت ائتمگه تأکید ائله‌ماغینان
دئدی: موتأسیفانه جماعتیمیزین چوخو ایفطارینان شامی بیر یئرده یئییرلر. و بو مسأله
معده حجمی‌نین گون بویو آزالماسینا گؤره هضم موشکولو یارالدیر. یاخجیسی بودور کی
ایفطارینان شام آراسیندا فاصیله وئره‌سیز تا بدن شام یئماغا حاضیر
اولا.
ورزیشی مودیریت دوکتورا دانیشجوسی
آرتیردی: موبارک اوروجلوق آییندا اوباشدانلیق اصلاً گرک ترک اولمایا, چونکی چوخ
قورخولو نتیجه‌سی اولا بیلر. گرک دیقّت ائلیاق کی اینسانین بدنی, خاص فعالیتی‌ده
اولماسا, قان دولانما و عصبلر بخشینده فعالیت ائلیر و بو فعالیتلرین انرژی مصرفینه
احتیاجی وار کی گرک اوباشدانلیقدا تأمین اولا و اوباشدانلیق یئییلمه‌سه اینسانین
بدنی 20 ساعت انرژیسیز قالار. بو مودّتده بدنین قند و انرژی ذخیره‌سی بوشالار و
نئچه گون ایدامه تاپسا اینسانین بدنینه خطرلی نتیجه‌سی اولار.