یئماقدان سونرا یاریم
ساعته‌جن دیشلری میسواکلاماق اونلارا جیدّی صدمه وورا بیلر.
اسیدلی ماده‌لر یئیه‌ندن سونرا, بو
اسید دیشلرین میناسینی و اونون آلت لایه‌سینی خرابلایا بیلر.
تلگراف روزنامه‌سی‌نین گوزاریشینه
گؤره, دیشلرین میسواکلاما واختی موناسیب اولماسا یعنی یئییب ایچمکدن سونرا یاریم
ساعتدن تئز اولسا, غذاداکی اسید دیشلرین داها درین لایه‌لرینه نفوذ ائلر و اونو تئز
چورودر. بونا گؤره دیش دؤکتورلری توصیه ائلیرلر کی مخصوصاً اسیدلی و ادویه‌لی
غذالار یئیه‌نده, حتماً یاریم یا بیر ساعت دؤزون و سونرا دیشلریزی میسواکلایین تا
اسیدلی مادّه‌نین اثری گئتسین.