بيزيم دؤوراندا ايمام خميني(ره) او
كسلردن ايدي كي شريعتين مقصدلرينه (مقاصد الشريعة) ديقّت يئتيرردي و قورآن آيه‌لرين
اساس قويماقلا حؤكملرين ظاهيري‌نين دين مقصدلري‌اينن (عدالت، رحم، عطوفت،...)
موعاريض اولان يئرلرده، مقصدلري موقدم ائلردي.
ايكنانين گوزاريشينه گؤره، شيهيد بهشتي
دانيشگاهي‌نين اوستادي، آيت‌الله سيدمصطفی محقق داماد ايران حيكمت و فلسفه مؤسيسه‌سينده
برگوزار اولان « ايمام خميني‌نين(ره) عيرفاني و فلسفي دوشونجه‌لري» ييغينجاغيندا،
ايمامين فلسفه درسيندن بير خاطيره تعريفله‌ماقدان سونرا اصول علمي‌نين موهوم
بحثلريندن اولان «مقاصد الشريعة» بحثي و اونون ايمام خميني‌نين(ره) دوشونجه‌لرينده‌كي
يئرين تشريح ائله‌دي.
او حقوق فلسفه‌سي و اصول فيقه علمي‌نين
بعضي بحثلرين تطبيق وئرندن سونرا دئدي: اصول علمي ايسلامين اتگينده بسله‌نيب و اگر
اصول علمي‌اينن حقوق فلسفه‌سي آراسيندا كي رابيطه‌ني توتوشدورساق، متوجيه اولاريق
كي رابيطه‌لري «عموم خصوص من وجه»دير و بيزيم اصول علم‌ميزده چوخلو ايبداعي
ايبتيكاري موريدلر وار كي غرب دونياسيندا يوخدور.
او بونا تأكيد ائله‌ماغينان كي اسلامي
حقوق فلسفه‌سينده گرك اصول علمي‌نين چوخ بحثلري، گون ديل و ادبياتينا اينتيقال
تاپا، مقاصد الشريعه بحثيني اصول علمي‌نين موهوم بحثلريندن ساييب و دئدي: اصول
علمينده (شيعه و موعتزيله مكتبينده) بئله بحث اولور كي بوتون شرعي حؤكملر واقعيّه
مصلحتلر و مفسده‌لره تابعدير؛ هر حرامين مفسده‌سي و هر واجيبين مصلحتي وار؛
اشاعيره‌نين خيلافينا كي حؤكملري بنده‌لرين ايمتحاني بيليرلر.
آيت‌الله محقق داماد تصريح ائله‌دي: بيز
بعضاً شرعيه دليللردن حؤكمون مقصدين بيليريك. آيري طرفدن فقيهلر شرعي حؤكمدن
قاچماغا بعضي يوللار ايستينباط ائديبلر كي ايسلامي فيقهي‌نين عقلاني مكتبلرينده
«علم‌الحيل» آدينا مشهوردور و ايلكين عصرلرده «رسالة الحيل» عونوانيندا چوخلو
ريساله‌لر يازيليب كي شرعي حؤكملري دؤور وورماغا بير سئري يوللار گؤرسه‌دير.
ايران فلسفه و حيكمت مؤسيسه‌سي‌نين تحقيق
شوراسي‌نين عضوي، ايماملارين(ع) راهنيماليغي‌ايله فيقهي حيله‌لرين قاباغين آلماق
اوچون، «كتاب العلل» آديندا كيتابلارين يازيلماسينا ايشاره ائديب دئدي: بو نوع
اثرلرين لاب گؤزه گليمي شيخ صدوقون «علل الشرايع» كيتابيدير. بونلارين يازما هدفي
بودور كي او گونه‌جن كي دينين مقصدلري بيزه آيديندير حيله‌اينن دين احكامين دؤور
وورماق اولماز.
او آرتيردي: مالكي مذهبينده اولان بؤيوك
فقيه اندولوسلو «شابطي» سككيزينجي عصرده، «الموافقات» آديندا تأثيرلي كيتاب يازدي
و اوندا مقاصد الشريعه‌ني بيان ائله‌دي. او اينصافلي فقيه‌ايدي و رحمتليق
شهيد «القواعد و الفوائد» كيتابيندا اونون رأيلرينه ديقّت ائديب.
شهيد بهشتي دانيشگاهي‌نين اوستادي بونا
ايشاره ائله‌ماغينان كي بيزيم عصرده ايمام خميني(ره) او كسلردنيدي كي شريعت
مقصدلرينه ديقّت يئتيردي، آرتيردي: حتّي فيض كاشانی و ميرزای قمی كيمي بؤيوكلر بو
مسأله‌يه ديقّت يئتيرمه‌ميش فتوا وئريبلر كي مثلاً ربوي موعاميله‌لرده ربوي حيله‌لر
مشروعدور! و بو صورتده ايسلام احكامي صراحت‌اينن دين مقصدلر اينن (ميثال اوچون
ريبانين آرادان آپارماغي) موعاريضه‌ده اولاجاقلار.
آيت‌الله سيدمصطفی محقق داماد ايمامين بو
تناقوضونان موقابيله‌سي باره‌ده «البيع» كيتابيندان(ايكينجي جيلد) بير نمونه‌يه
ايشاره ائديب و دئدي: ايمام اوردا تصريح ائلير كي بيز قورآن آيه‌لريندن دينين
هدفيني ريبانين حرام اولماسيندان اله گتيريريك و اونون محورينده حركت ائديريك؛
آللاه قورآندا ريباني ظولم ميصداقي كيمي تانيتديريب و ريبانين حرامليق حيكمتي و يا
عيلّتي، ظولم ساييليب.
او دئدي: ايمام(ره) «قم»ين 91 ايلليك
مكتبينده پروريش تاپيب و بو مكتب حؤكملرين ايستينباطي اوچون قورآنين فهم و
تفسيرينده نجف و سامرا مكتبيدن مومتاز ساييلير و ائله بونا گؤره‌دير كي ايمام (ره)
قورآن آيه‌لرينه ديقت يئتيرماغينان دئيير كي دين مقصدلري (عدالت، رحم، عطوفت،...)
حؤكملرين ظاهيري‌اينن موعاريض اولسا، مقصدلر موقدّمديلر.
ايران فلسفه و حيكمت
مؤسيسه‌سي‌نين تحقيق شوراسي‌نين عضوي آرتيردي: البته اينصاف بودور دياق كي
اونلاردان قاباق آيري بؤيوك فقيهلر ده بو مسأله‌يه تأكيد ائديبلر؛ او جومله‌دن
صاحيب جواهير دئيير: هر زاد كي شرعي حؤكمون غرضين نقض ائليه، بيز اونو بوطلانين
اعلام ائليه‌جيوق؛ گرچي صاحيب جواهير اؤزو بعضي رأيلرينده بو نوكته‌يه مولتزم
قالماييب