سلامت نيوز:بير دري و توك موتخصيصي بونو دئماغينان كي:
«يئمه‌ليلرين ايچينده، ميوه‌لر و گؤيلرده آنتي اوكسيدان وار و اونلارين يئماغي
توصيه اولور» دئدي: «رنگلري قيرميزي اولان ميوه‌لر آيري ميوه‌لردن چوخ آنتي
اوكسيدانلاري وار.»
دؤكتور محمد رضواني سلامت نيوزون خبرنيگاري‌اينن دانيشيقدا
دئدي:« آزاد راديكاللار ياشاييشلاري‌نين چرخه‌سينده هميشه بدنين موختليف سلول‌لاري
او جومله‌دن دري‌يه ضرر وورماقدا اولورلار و آنتي اوكسيدانلار آزاد راديكاللاري
خونثا ائليرلر.»
او ايدامه‌ده دئدي: « يئمه‌ليلرين ايچينده، ميوه‌لر و
گؤيلرده آنتي اوكسيدان وار و اونلارين يئماغي توصيه اولور آما ديقت يئتيرماق
لازيمدير كي او ميوه‌لر كي بامادور، اوزوم، نار و . . .كيمي قيرميزيديلار آيري
ميوه‌لردن داها چوخ آنتي اوكسيدانلاري وار.»
دري و توك موتخصيصي دئدي: «دري سلامتليغي اوچون «روي»
موكميلي‌نين مصرفي‌ده توصيه اولور چونكي ائله يئمه‌لي يوخدور كي اوندا بوللو
صورتده «روي» مادّه‌سي اولسون.
او آيدينلاتدي:« کوآنزیم Q10 بدنيميزده شايع اولان آنتي اوكسيداندير كي اينسانين ياشي
چوخالديقجن ميقداري آزالار و 30 ياشدان اوسته بدنده حددن آرتيق آزالار.»
دؤكتور ريضواني دئدي: «اينسان دريسينه لازيم اولان
ويتامينلرين بيري‌‌ده A ويتامينيدير آما
چون اونون چوخ مصرف اولماسي‌نين مسموميّته باعيث اولماسينا گؤره، بو ويتامين
احتياطلي مصرف اولماليدير.»
او آرتيردي: «بو ايطيلاعاتي بيلمك اشخاصا فايداليدر آما
اونلارين مصرفي اوچون ياخجي اولار موتخصيصه موراجيعه اولونسون.»