دؤرد گون قاباق تري ليگال چينين فضايي ايستگاهي‌نين گونشين قاباغيندا عكسين سالدي. چين سفينه‌سي ثانيه‌ده 7.3 سورعت‌اينن يئرين دؤوره‌سينه دولانير و اونون عكسين سالماغا ليگالين 0.9 ثانيه واختي واريدي. بو فرانسه‌لي نجومي عكاسين دئديغينا گؤره،  4500 كيلوگيرم آغيرليغيندا اولان تیانگونگ-1 سفينه‌سي‌نين عكسي، 114 متر اوزونلوغوندا اولان بين‌الميللي سفينه‌دن سالينان عكسدن داها كيچيكدير. قراردي بو ايل يايدا «شنزهو9» كپسولو اونا ايضافه‌لشسين و چينلي سفينه‌ بؤيويوب اوچ نفر سرنشيني اولسون.

عادي شراييطده تيانگونگ سفينه‌سيني گؤيده بير اولدوز كيمي تشخيص وئرمك اولار كي قوطبي اولدوزو قدر پاريلدير و گؤيون ائنينده دولانير. بو سفينه‌ني و البته آيري نجومي جئرملري موناسيب صورتده رصد ائله‌ماق اوچون نجومي كامپيوتري برنامه‌لره و يا heavens-above.com اينترنت آدرسينه گئده بيلرسيز.