سلامت نيوز: نظره گلير كي آلزايمر
ناخوشلوغو بير عفونت كيمي بئيينده بير سلولدان آيري سلولا داغيلير. آما ويروس يا
باكتري عوضينه، تائو آديندا موختل اولموش پروتئيندير كي سيرايت ائدير. بو مطلبي
سيچانلار اوستونده اولان تازا ايكي تحقيق گؤرسه‌دير.
سلامت نيوزون سينا نيوزدان نقل اولان
گوزاريشينه گؤره، موحقيقلرين دئديگينه گؤره بو كشف قديمي بير سوآلا جواب وئرير و
بو ناخوشلوغو درمان يولون تاپماغا كؤمك ائده بيلر. اونلارين نظرينه پاركينسون كيمي
آيري عصبي-تخريبي ناخوشلوقلار دا بوجور چوخاليرلار.
آلزايمر موحقيقلري اوّلدن بيليرلر كي
تائو ايله دولموش و اؤلوم حاليندا اولان سلوللار، بئينين حافيظه دوزه‌ليب ذخيره
اولان يئرينده تاپيليرلار. بو ناخوشلوق ياواش ياواش بئينين بؤيوك يئرلرينه كي يادا
سالما و ايستيدلال ايشين گؤرور حركت ائدير.
سيچانلار اوستونده اولان تازا آزماييش
بئله ايلقاء ائلير كي آلزايمر ناخوشلوغو او پروتئيني فعال ائلير كي بئيينده‌كي
حافيظه‌نين آرادان گئتمه‌سينه سبب اولور.
اگر بو كشف اينسانلار باره‌سينده ده
ثابيت اولا، او موعمّانين بير بؤلومونون حلينده كؤمك اولار كي اوندا بئيينده كثيف
و ياپيشقانا بنزر ماده‌لر آلزايمرين يارانماسي و نهايتده حافيظه‌نين آرادان گئتمه‌سينه
مونجر اولور. بئله‌ليغينان، موحقيقلرين سيچانلار اوستونده ائله‌ديقلاري تحقيقاتا
گؤره، بئله تصوور ائله‌ماق اولار كي بير داوا دوزلسين و حافيظه‌نين بو موشكولون حل
ائله‌سين.
ام. آی. تی موحقيقي اولان «جوآن گراف»
دئيير كي «بو تحقيق هله ايبتيدايي مرحله‌ده دير و بئش اون چكر تا اينسان اوستونده
آزماييش اوسون. و حتي اگر بو داوا دوزه‌له تكجه آلزايمرين عواريضين آرادان
آپاراجاق و اؤزونو درمان ائليه‌بيلميه‌جاق.»
گراف آرتيردي: «بوجور داوا آلزايمردن
يارانان حافيظه موشكوللري‌نين حلينده گؤزه‌گليم پيشرفت ساييلا بيلر و بيز نيشان
وئره بيله‌ريك كي بو تخريب گئديشين قايتارماق اولار.»
موحقيقلرين نظرينه آلزايمر ناخوشلوغو او
زمان باشلير كي جرم بتا-آمیلوید آدلي ماده بئيينده ييغيشير.
گراف دئدي، سيچانلار اوستونده اولان
تحقيقلر نيشان وئرير كي بدنده هیستون دیاستیلاس ۲ (HDAC۲)
آديندا پروتئين اولاندا حافيظه ژنلريني آرادان آپارير. موحقيقلر سيچانلارين
بئينينده HDAC۲ –نين ييغيشماسي‌نين قاباغين آلماغينان اونلارين حافيظه‌لري‌نين
آرادان گئتمه‌سي‌نين قاباغين آليرلار.
دانيشمندلر ايضافه ائتديلر: وفات ائليه‌ن
آلزايمر ناخوشلارين بئيينلرينده اولان چوخ يوخاري ميقداردا HDAC۲
، حافيظه‌يه مربوط اولان بؤلومده‌ايدلر.
دانيشمندلر بو اسادا بو نظريه‌ني وئرديلر
كي بتا آمیلویدين بئيينده ييغيشماسي، ايمكاني وار HDAC۲-ني
آرتيق فعاليته وادار ائده.