جام جم آنلاين: «جيان هويي» بير ميمونون
آدي‌دير كي جايزه آليب ذهني‌اينن روبات الي كونترول ائديب موختليف شئيلري
ترپدير.
بو ميمونون مغزينه بير تراشه قويوبلاري
كي مغزيندن سيگنال يوللايير و ياخيندا اولان الي كونترول ائلير.
چينين ژيجيانگ دانيشگاهي‌نين موحقيقلري
بو ميمونون مغزي سيگناللارين ثبت ائديب اونلاري روبات الين ترپشمه‌سي اوچون
فرمانلارا تبديل ائده بيليبلر.
ميمونون مغزينده قويولان ايكي حيسگر بو
حيوانين مغزينده ايكي يوز نورونو كونترول ائديرلر. بو حيسگرلر مغزين سيگناللارين
ترجومه ائديب روبات الي كونترول ائده‌بيليرلر.
بوندان قاباق اينسانلار مصنوعي قوللاري
ترپتماغا الكترودلاردان ايستيفاده ائله‌ييبلر آما چينلي موحقيقلر ايدعا ائديرلر كي
بو آزماييشده بارماقلارين ديقّت و ظرافتي داها چوخدور.
«نیوساینتیست»ين گوزاريشينه گؤره، ال
حركتلري مغزده‌كي يوزلر مين نورونلا ايرتيباطدادير. روبات الي ترپتماق اوچون ايكي
يوز نوروندان آلينان سيگناللاردان ايستيفاده اولور كي باعيث اولوب بارماقلار داها
اينعيطافلي ترپشسينلر.