خزر ساحيللرينده دوزَلمكده اولان دونيانين لاب اوجا بورجو
باره‌ده تازا خبرلر ياييلدي.
خبرگوزاريلرين گوزاريشينه گؤره، آذربايجان جومهوريسي
ساحيللرينده،1050 متر اوجاليغي اولان بو بورجون دوزلتمه‌سي ايكي ميليارد دولار
خرجي اولاجاق.
دونيانين لاب اوجا بورجونون 189 طبقه‌سي اولاجاق و بؤيوك
بير مجموعه‌نين بير قيسمتي اولاجاق كي آذربايجانين خزر ساحيللرينده دوزه‌لير.
اوّليّه طرح فقط 560 متر اوجاليغيندا بير بورج اولوردو آما
سونراكي آراشديرمالاردا بو بورجون اوجاليغي 1050 متره چاتدي تا 200 متر دوبئيين
خليفه بورجوندان و 50 متر عربستاندا پادشاهليق آدينا طراحليق اولان بورجدان اوجا
اولسون.
1050 مترليق بورج قراردي آذربايجانين خزر ساحيللرينده
مصنوعي جزيره‌نين بير بؤلومونده دوزلسين. بو بورجون مصنوعي جزيره‌لرده دوزلمه‌سي‌نين
خرجي 100 ميليارد دولار اولاجاق. بو مجموعه باكي‌نين جنوب غربينده دوزه‌له‌جاق.
اويستا شيركتلر مجموعه‌سي بو بورجون پئيمانكاري عونوانيندا
دئييب كي بورجون دوزلمه‌سي 2016-جي ايلده باشلاييب 2019-جو ايلينده قورتولاجاق.
بو مجموعه‌نين ايكي مين هيكتار مساحتينده اولان 41 جزيره‌سي
اولاجاق كي بير ميليون نفره خيدمت وئره بيله‌جاق.
بو مصنوعي جزيره‌لرده آيري بورجلار دوزه‌له‌جاق كي 25 دن 60
طبقه‌يه‌جن اولاجاقلار.
مصنوعي جزيره‌لرده 150 مدرسه، 60 بيماريستان، آليش وئريش
مركزي و دانيشگاه و فورمول بير ماشين موسابيقه‌لر پيستي اولاجاق تا كاميل
ايمكاناتلي بير شهر اولسون.