جام جم آنلاين: موحقيقلر بير داوا دوزلديبلر كي حافيظه‌ني
ياخجيلادا بيلر و آلزايمر توتموش سيچانلارين بئيينلرين صدمه‌دن ساخلار.
موحقيقلر «J147» داواسيني
آلزايمر توتان سيچانلارا وئرنده، اونلارين حافيظه‌سي دوزلدي و بئيينلري
ناخوشلوقدان گلن صدمه‌لر قاباغيندا ايمن اولدو.
بو تازا تركيب آلزايمر ناخوشلارينا ايشلتمه‌لي اولسا گرك
آزماييش اولسون.
سالك مؤسيسه‌سي‌نين موحقيقي و بو داواني دوزلدن «دیوید
شوبرت» دئدي: «J147» داواسي ساغلام هم‌ده آلزايمري اولان
سيچانلارين حافيظه‌سين ياخجيلادير و هابئله بئيني «سیناپس» رابيطه‌لرين
اولماماسيندان قورويور.
بو موحقيق آرتيردي: بازاردا بو ايكي ايشي بير يئرده گؤرن
داوا يوخدور.
بير حالداكي بو داوانين موثبت اثري اينساندا تأييد اولماييب
آما سالك مؤسيسه‌سي‌نين موحقيقلري اعلام ائديبلر كي تحقيقلر نيشان وئرير بو داوا
آلزايمر توتانلارا ياخجي درمان ساييلاجاق.