سئروئرلر اوستونده استفاده اولوناجاق پردازشگرلرین
تازا نسلی بازارا گلیر
سینئتین گزارشینه گؤره، نئهالئم معمارلیغی ایله
اینتئلین تازا پردازشگرلری، سئروئرلرین اۆزرینده استفاده اولونماق اوچون،
تئزلیکله، بازارا گلجکدیر.
اینتئل، نئهالئم-سئروئر آلتینداکی زئون
پردازشگرینی ایکی هسته ایله، 30 مارت دوشنبه گونو بازارا گؤندرجکدیر.
بو پردازشگرلرده ایشلنن لاپ تازا تئکنولوژیلردن
بیریسی، multitasking_ی آرتیرابیلن 16 مجازی
هستهنین اولماسیدیر.
نئهالیم-سئروئرده گؤزه گلن آیری بیر تئکنولوژی ده،
خاص شرطلرده پردازش فرئکانسینی (و یئیینلییینی) شدّتله آرتیران Turbo
Boost Technology_دیر. اوپئل، تازالیقدا،
تازا بیر Mac Pro تانیدیبدیر کی
3500 و 5500 نئهالیم-زئونلاریندان استفاده ائدیر. اینتئل ده، Willowbrook_ون سئروئرلرینده
نئهالیمین نئجه استفاده اولونماسیندان، بعضی خبرلر نشر ائدیبدیر.
بئلهلیکله، اینتئل موشتریلرینین مختلف نئهالیملری آلماغا صفـه دورمالاری
گؤزلهنیلیر.
Dreamworks جانلاندیرما (animation) و فیلم دوزلتمه شیرکتی ده بیلدیریبدیر کی
نئهالئم پردازشگرلریندن فایدالاناراق، فریملرین اطلاعاتینی گؤرمک ایله عئنی
زاماندا بیر گئجه-گۆندۆز مدّتینده جانلاندیرما رندرینگی (رندرینگ انیمیشنی) اجرا
ائتسین.