جام
جم آنلاين: ييل دانيشگاهي‌نين موحقيقلري تازا آراشديرمادا بيلديلر كي يوخولارين
آيدين گؤرنلر و يوخوداكي حاديثه‌لري كونترول ائده بيلنلر، تازا باشاريقلاري
يوخودا اؤرگشه بيلرلر.
بو
موحقيقلر ايندي آزماييش ائديرلر كي، يوخودا اونلارا نه دئسينلر تا ايسته‌ديقلاري
يوخونو گؤرسونلر.
يوخولاري
كونترول‌لاريندا اولان آداملار، غير معمولي بير گوجه صاحيبديلر كي يوخودا بير ريضايتلي
فعاليتي تجروبه ائله‌سينلر؛ ائله‌بيل كي اونو آييقليقدا ائديبلر.
تازا
تحقيقلر بونو نيشان وئردي كي يوخودان، اؤرگشماغا بير وسيله كيمي ايستيفاده ائتمك
اولار. يوخولاري كونترول ائتمك گوجو بو فورصتي يارالدا بيلر كي اونلاري اؤرگشماق
اوچون دگيشاق.
بو
جور آداملار يوخودا اؤز مغزلري‌نين بير بؤلومون كونترول ائده‌بيليرلر و ايسته‌ديقلاري
باشاريغي يوخودا اؤرگشه بيلرلر.
«نيوساينتيست»ين
يازديغينا گؤره دانيشمندلر اؤز آراشديرمالاريندا بيلديلر كي بو جور آداملار،
اينسان بئيني‌نين ايجتيماعي رابيطه‌لر و احساسي تصميملره مربوط اولان بؤلومونو
آزماييش ائدن فيكري اويونلاردا، ياخجي قابيليتلري و گوجلري وار.
ايندي
موحقيقلر بئينين بو بؤلومو اوستونده ايشليرلر كي آداملارين احساسي تصميم
توتمالاريني ايرتيقا وئرسينلر.
بوندان
قاباق‌دا ثابيت اولوب كي خاص باشاريقلاري يوخودا تمرين ائدنلر، واقعي ياشاييشدا دا
مهارتلري چوخ اولور.
سوييسين
«برن» دانيشگاهي‌نين دانيشمندلري‌‌نين تحقيقلري نيشان وئردي كي يوخودا سيكه‌ني
فينجانا آتماق تمريني ائدنلر، بو ايشي آييقليقدا ياخجي‌راق گؤروردولر.