عجيب-غريب بير 6 كيلولوق
توپ، نامبيانين 750 كيلومترليگينده اسرارآميز صورتده يئره توشدو.
نامبيا چؤلونده ايري‌دانالي دولو
ياغاندان سونرا بو دفعه دمير توپ ياغير.
بو خبر اوّلده يالان نظره گلير آما
دوغرودور. دوغرودان، نوامبر آيي‌نين وسطلرينده نامبيا پايتختي‌نين 750
كيلومترليگينده 6 كيولولوق و 1 متر قوطروندا بير توپ توشوب كي يئره دَيماق
اثرينده، 33 سانتي‌متر درينليغيندا و 4 متر انينده چالا يارالديب.
بو خبرين لاب تعجوبلي يئري
بوراسيدير كي اينديه‌جن هئچ كس بيلمه‌ييب بو توپ هاردان گليب.
مهر خبرگوزاريسي‌نين گوزاريشينه گؤره، پل‌لوديك،
نامبيانين تحقيق مركزي‌نين رييسي بو باره‌ده دئدي: «كندين ساكينلري و مقاملاري
موختليف پاتلاماق سسلرين اوچ كيلومترليق شوعاسيندا ائشيتديلر و بئش گوندن سونرا،
بو توپ تاپيلدي.»
بو اسرار آميز دمير توپ، دَيديغي يئرين
18 مترليغيندان چوخ راحات گؤروشور. نظره گلير بو توپون ايچي بوش اولا آما هئچ كس
بونو تأييد ائله‌مه‌ييب.
بو توپون مسأله‌سي او قدر باش‌تاپيلماز
دير كي گلن گونلرده «ناسا» و «اسا»نين كارشيناسلاري اونو آراشديراجاقلار.
"لودیک"ين دئديگينه گؤره،
ايمكاني وار بو شئي بير سفينه‌نين قطعه‌سي اولا. هرچند هله بللي دئييل كي بو بير
اينسان الي‌اينن دوزلميش بير شئيدير يا يوخ.
بوندان قاباق يئرين آيري منطقه‌لرينده
اوخشار توپلار تاپيلمشدي. ميثال اوچون 2008-جي ايلده برزيلده بير مزرعه‌ده گؤيدن
گلميش بير دمير توپ تاپيلدي. 2007-جي ايلده ده بير استراليالي اكينچي اؤز مزرعه‌سيندن
آيري توپ تاپميشدي.